الأحد، 17 أغسطس 2008

Brit Men .. (3(

هذي الحلقة الثالثة معانا اليوم روبيرت فريند صديق كايرا نايتلي، و للي شاف Pride & Prejudice هو مستر ويكام. اللوك حقه دايم خفيف و مريح، و ألوانه حلوه، الرجال نحيف يعني ما في عذر للي يقولون ما عندنا أجسام p: .. طبعا الرجل حلو و كثيرة مرة على كايرا :)

قلدوا لبسه بس رجاء لا تسون أي شي يسويه بشعرة، يعني لا تطولون شعوركوم و لا تصبغونها :)

روبيرت فرايند

اللوك كامل حلو، طبعا هو الي ع اليمين p: بس النظارات لا تشترونها، تعرفون مو كل شي ممكن يلبق على كلن، مو عاد نظارات زي الشكل هذا، يعني أعرفوا أنه ساعات اللبس من لباسه.

بوب بالفلانتين (ما أرفض واحد زي كذا أبد ) :) لابس جينز غامق مع حزام و جزم بيض تي شيرت مقلم تقليم عريض (اللبسين كلهم يصلحون لأماكن كثيرة، و صبح و مسا، بشرط أنها ما تكون حفلة رسمية، أو اجتماع رسمي)

لبس شتوي، كمان ينفع لكل وقت، بس لو بغيته يكون أكثر رسمية و احترام لا تلبس جينز مشقق. و لاتلبس شال مادامك ما تعرف تعقد.

روبيرت بقميص فاتح مشجر صغير، و بنطلون جينز باهت وسيع، مع شبشب لبس صيفي و يصلح للناس الي تتسيح الحين.

ما أعتقد إن اللبس يحتاج شرح، لبس صيف برمودا، شباشب و قميص فاتح شنطة، بس بأكد على الشعر، لا تقربون منه D:.

إذا فيه بالسلسلة هذي جائزة لأناقة البسيطة أكيد يتروح لروبيرت، مو زي الي بجنبه واضح إنها متعبه حالها عشان تطلع باللوك هذا. زي ما قلت لكم الشال دايم يسوي فرق و يخلي الواحد شيك. و بعد لبس قميص تحت الكنزه صح رنها حركة تقليدية بس أنيقة، و دايم أختار القميص الصح، يعني لا يكون مشجر أو مقلم، يا كروهات أو سادة حسب الي يمشي مع الكنزة.

ما يغير كثير بلوكه، نفس الجينزات الباهته، و سعيه مع حزام بس الشي الغير بهذي الصورة هي القميص الضيق، لا تلبس القميص الضيق و أنت عندك مشاكل بالجسم يعني لله و للناس D: و مو لازم عشان يطلع شكلك حلو تكون كأنك مخنوق بملابسك يعني الوسع زين. :).


ما يستفاد من روبيرت: الملابس مو لازم تكون غاليه أو رسمية عشان تطلع حلوه، يعني لبسه ممكن ببساطه تلقاه عند ماركات سعرها متوسط زي "دبنهامز" و لا لازم تلفلف أكثر من مكان يعني يكفيك مثلا جينزين غامق و فاتح ضيق و وسيع. ما يحتاج يكون عندك جزم كثيرة جزمتين بالكثير و أطلع بشباشب، بس مو كل مكان تروح فيه بشبشب p:.


مواضيع ذات صلة:

Brit Men .. (1(

Brit Men .. (2(




ليست هناك تعليقات:

إرسال تعليق