sex and the city .. (WEDDING DRESSES).

(تحديث فيديو)

اليوم باتكلم عن ملابس العروس في SATC .. للأسف أنها مو لبس واحد، و المشكلة الأكبر ما لقيت صور كثير عن الموضوع هذا عشان أحرق قلبكم زي ما احترقت P: بس ما تهونون على نزلت الفيلم حتى لو كانت نسخة سينما و مو واضحة، أخذت لكم بعض الصور :) ..

باحكي لكم الحكاية، كيري تبغى تتزوج طبعا هي مسوية نفسها very simple و لا تحب الكلافة، شرت لها بالأول تيور أبيض رسمي يقاله فستان الزواج، المهم درت مديرتها بمجلة vogue و قالت اشرايك نسوي إشيو كامل عن كيف ممكن تلبس العروس الي فوق الأربعين، لأن هذا الشي نادر يصير، طبعا قصدها أن مرة تتزوج فوق الأربعين .. ok إلى الأن ما في مشاكل، ردت عليها مديرة التحرير: بس ترى أنت الموديل (و الله أنهم آخذين فيها مقلب كبيييييييير)، بدينا تصوير العدد و اللهم سلم سلم .. وش ذيك الفساتين تخليك تقولين أبغى أتزوووووووووج.

أول فستان كان فيرا وانق .. واااو ماله نهاية :(

ثاني فستان و أعذروني عالصورة بس ما حصلت أفضل، كارولينا إيريرا، صراحة الشي الي بدل الطرحة لو أعرف وين ألقاه بس .. ؟؟
بعده كان فستان قصير مرة (فوق الركبة) ما عجبني، ما سمعت زين من وين بس أظن لانفين، ماأخذت الصورة، لأنه غلبني برنامج أخذ الصور ..


هذا فستان لكغستيان لاكوا .. أموووووووت بهذا المصمم، مع أني ما أظن ألبس هذا الفستان بزواجي D: ..
بعده لديور .. كمان ما أعجبني و فضلت عدم تصويره (أنا حره) ذوقي و مدونتيP: ..


آه آه آه .. بعدها أوسكار دي لا رينتا، وش ذاك الشغل يجنن يآخذ العقل، ما أعرف مين الي يشتغل على أقمشته ؟؟!! (أصلا شلة المصممين الي يشتغلون بنيويورك صايرين فلته) ..

آخر فستان من فيفيان ويستوود .. طبعا هذا مالي النت صور، لأن كمالة الحكاية، يقالها ترجع للبيت، و يطق الباب تفتح و أثر فيفيان أرسلت لها الفستان هدية، و قررت تلبسه بزواجها ..

هذي صورته و هي تصور للعدد مو بزواجها .. و الي تحت و هي بالزواج ..

الله ياخذها هي و الريشة الي حاطتها، عاطية الطرحة شكل ووااااو مو فنكي بس شوي مو معتاد

هب عليها، شوفوا القطعة الي زي البروش عند الصدر :(

المسكة و لون الفستان و طبقاته، كلها تقتل آه بس ..

حكايتها مع الجزم حكاية، و إلا وش علاقة الجزم بهذا اللبس؟ .. لو هي بس لابستهم للفستان الي البسته بأول الفيلم كان أصرف ..

حسبي الله و نعم الوكيل، من وين و إلا وين أجيبها لا الفستان و لا الطرحة .. كل شي يخليك تقول الله يآخذ أبو الحظ.

ـــــــــــــ
* تنويه شفتوا قد إيش الصور خايسه، نشف ريقي لحد ما لقيت مكان يحملها، كل ما حملتها بمكان حذوفها بحجة (حرام صور النساء) .. و الله لولا أنه صور بلوقير محجوبه هنا، و إلا كان حملتها و ارتحت من المذلة.

شي ثاني للي عاجبته الفساتين و يبغاها، في كتاب في صور كل الأزياء الي بالفيلم، ماني متأكده إذا فساتين الزواج فيها، بس واحد قالي إنها موجوده، الكتاب يباع على أمازون، ما أدري إذا مكاتب السعودية تبعه (قصدي جرير يعني).

هذي إن شا الله الحلقة قبل الأخيرة بـ SATC بعدها حلقة وحده (على ما أظن) D: بس ما راح أعلمكم عن إيش، بخليها مفاجأة :) ..

مواضيع ذات صلة:

sex and the city ..

sex and the city .. 2

sex and the city .. 3

.