الثلاثاء، 15 يوليو، 2008

sex and the city ..




هذا الفيلم بايخ، تافه، سخيف إي كلمة بتقولها لابقة عليه .. بس بجد ال outfit يقتل .. شي يخوف و يبكي بجد .. أنا ذبحني أول فستان و قلت يمكن هي بس طفة بالأول، بس مسخها الفيلم و خلاني كل لبس أصرخ عليه أكثر من الي قبله ..

ابتكلم عن اللبس ب SATC بأكثر من تدوينة، الأول عن الملابس بشكل عام، و يمكن تصير هذي حلقات D: يعني وحده لجسيكا، ووحده للباقيات. أما الجزء الثاني عن ملابس العروسة .. و يارب هونها علي، أو نزل علي حظ كبير من السما يجيب لي كل هالملابس .. D:



هذا زي ما قلت لكم أول لبس .. آه بس أنا ما يغثني إلا هذي سارا جيسيكا باركر، يا أنا ناوية لها نية !! بطب فيها طبة أخليها تقدر عمرها .. بس الفستان واااو حتى لو كان لبس عشرينية أو ثلاثينية مو وحده طاقة الأربعين بالراحة ..


طبعا الجزم X و لا جابها للفستان ..



هذا اللبس عجبني خصوصا القطعة الفوقية، أنا أصلا أحب الأخضر، بس اللبس حلو، لكن الي منسق اللبس عنده مصيبة مع الجزم الي تلبسها (كيري) أسم سارا بالفيلم يعني بذمته اللبس هذا مع اللون الأخضر الكلاس ما لقى إلا جزمه سودا قلاديتر ؟!! و الشنطة صراحة ما أعرف مكانها بالإعراب ؟ كأنها علبة حلاو ..



لا قلت لكم ماهي مقدره عمرها .. !!!



في أشياء صراحة ما تتصدق بالفيلم، بس تحس الإمريكان توهم عارفين الماركات .. يعني معقولة من الفلوس الي تتكبكب من كل مكان على كيري تجي تهدي مساعدتها شنطة لوي؟ المشكلة أنها مو الكلاسيكيات يعني تكون أرخص لا وحده مخربطة، هي جد ما عجبتني بس تراها كبيرة لوي هدية لمساعده ؟!!



لا قلت إن سارا ما تقدر عمرها، و إلا هذا لبس وحده بعمرها؟!! يعني أكبري شوي .. اللبس يجنن ولابق على أسبوع الموضة بنيويورك و لو عطوني إيه حتى مع هذا الشال الفرو بحر الرياض ما رفضته D:



آه يا الشنطة و لا القفازات .. :(



البس هذا احكاية، (قصدي الي بالوسط) بس ما لقيت له صورة لحله .. :( شي يوجع القلب، البلوفر الي لابسته قتلني بس شوف التفاصيل و الشغل و تعرف وش أقصد غير لونه وشكله الذوووق .. أما الجزمة آه يا قلبي جزمة لوي ب 525 دولار، مو هذي الخايسة هم سوو حركة بايخة ولبسها إياها خطيبها يقالها سندريلا، بس جد فاتت على سندريلا، هذي الجزم مو قزاز .. D:
هذي الجزمة القاتلة ...


بعد في لبس لها بالسنترال بارك (ما لقيت له صورة) لو تلبسه باريس هيلتون شرهت عليها، سكوس فوق الركبه، وتي شيرت أزرق غامق لحاله من دون بنطلون أو شورت، و بالطو أسود طويل !!! (ترا هذا الكلام كمالة العياره فيها، إنها ما تحقر عمرها).