ميرندا هوبيز (سينيثا نيكسون)
بالفيلم يقالها محامية، لبسها لايق على محامية، بس ساعات أحس كثيرة على محامية أنها تتكشخ للدرجة هذي، يعني إذا كانت محامية ناجحة متى تفضى تشتري غير ملابس رسمية :) ..
أول لبس الذهبي .. اللبس هذا ذوووق و درجة الذهبي حلوه و هادية و مناسب على مرة بالأربعين ..
اللبس الثاني، قطعة كاملة أسود بمربعات عاجيه، مع شنطة ذهبية، و كعب عاجي. لبسها جد تحسه نقوة، و الي مشتغل على تلبيسها بالفيلم واحد ذووق وواقعى، يعني ما في مبالغات تخليك تقول الله أكبر هذا أختيار شخص عادي و إلا منسق أزياء بVOGUE :) ..
لبسها على العموم حلو و متناسق و متشابه، بس لبسها بزواج كيري كان حلو مرة خصوصا اللون، رغم إنه ما عجبني الشي الي حاطته بشعرها، أحسه تصابي ..
من أحسن لبسها الفستان الي لبسته بأسبوع الموضة بنيويورك كان جد يآخذ العقل و زي ما قلت قبل لايق عليها خصوصا مع البالطو، و القفازات ..
في لبس لبسته مختلف عن ذوقها العام بس عجبني بالسنترال بارك لقيت له هذا الرابط، و هي مع كيري .. :)
شارلوت يورك (كرستين ديفز)
لبسها ناعم .. دايم ناعم يناسب على بنات، هذا ما يعني أنه ما يناسب عليها ..
أول لبس الأبيض هذا ناعم و هادي، بس النظارات واااااااو، و الشنطة الشانيل مع الكعب لابقين :)
اللبس الثاني وهم رايحين للمزاد لبسها ناعم و بناتي، و للي ما يقدر :) يشبه كثير لبس زارا ..
اللبس هذا ما أدري وين شايفته، بس أظن عند نانيت لوبير .. مو متأكده، قلت لكم ذوقها ما يتغير كثير ..
الفستان الي لبسته بالزواج فخم و من الفساتين السودا القليلة الي أشوف فيها شغل كثير، يعني بالعادة الأسود تكون خطوطة مستقيمة و واضحة...
لبسها لأسبوع الموضة حلو بس حسيتها محشورة فيه شوي البالطو ذوق خصوصا النقش الي عند الياقات، شنطتها واااااااااو البروش الي على فستانها، و قفازات شانيل الجلد :) بس الهاينيك ما عجبني قوة ..
لبسها الأخير هو اللبس الي ولّدت فيه عجبتني فكرة فستان أبيض بدوائر سودا كبيرة، مع بالطو وردي فاتح، بس حسيت حملها مو صدقي، شكلها كان زي لما نلعب وحنا صغار يقالنا حوامل و نحط مخدات :) ..
مواضيع ذات صلة:
أزال أحد مشرفي المدونة هذا التعليق.
ردحذف