الخميس، 5 مارس، 2015

The Birds

روشا دائما عنده أشياء مميزة، ما أعرف ليه مع إني حبيت المجموعة هذي هذي المرة، حسيت بشيء كأنه من ميو ميو (بذات طبعات الطيور)، مع إني بنفس الوقت، أعتقد الطيور فكرتها جاية من فيلم لهيتشكوك، لأن كل المجموعة كذا غامقة، و فيها ريترو. أصلا ما أعرف ليه هذا الموسم أحس كثير مصممين آخذين دور مصممين ثانين. يمكني أنا أتخيل، و ممكن صحيح كل واحد طفش من أسلوبه، و راح يدور على أشياء جديدة عند مصممين ثانين. 

تعجبني كثير الملابس اللي فيها أكثر من قماش، مع أكثر من ملمس، علشان كذا أكيد كان لازم يعجبني أول فستان على اليمين، أحس بيكون حلو على كايت بلانشيت، الفستان اللي بعده، أحسه بيكون حلو على إيما ستون، مو سهل تخلي فستان أسود مثير، بس إيما تعرف تختار فستان أسود مثير. مع إن الفستان اللي بعده ما فيه أي شيء مثير أو جديد، لكن أعجبني إنه مرة كلاسيكي و أشوف إنه جدا أنيق، صح أنه لبس ممكن تلبسه وحدة فوق الأربيعن مثل جولييت بينوش أو صوفيا كابولا، لكن أحس أحد زي داكوتا جونسون، ممكن تخلي لبس زي كذا أنيق و شاب بنفس الوقت. آخر فستان (السماوي) أحس بيكون حلو على قوقو مبثا رو. 

وش رأيكم بالملابس؟ أعجبتكم أو تحسون إنها مرة مملة بألوانها الغامقة؟