السبت، 7 مارس، 2015

Renaissance

بعض المرات يصير صعب الواحد يلحق على عروض باريس، لأنه بكل يوم فيه على الأقل 3 عروض مهمة. و على ما بال أنتظر صور بدقة عالية تنزل صور عروض جديدة، و يصير صعب أقرر وش أكتب ووش أترك. لكن أليكساندر وانق مع بلانسياقا، يبدو إنه راح يخلني أكتب عن عرض بلانسياقا كل موسم (أعتقد من بدأ مع الدار و أنا أكتب عن كل عرض)، و هذا المرة مو استثناء. 


أغلب العرض كانت ألوانه مونوكروم (أسود و أبيض، و بعض درجات الرمادي). بس أكثر شيء عجبني بالعرض، إني حسيت التصاميم كلاسيكية (أعتقد لو فتشت لأرشيف بلانسياقا، راح ألقى تصاميم زيها بالضبط)، المختلف بنظري، إن الأقمشة نقشاتها و تقنيتها جديدة. أولا أغلب الفساتين طولها ميدي، زي ما أنتم شايفين. أعجبني مرة اللبس الثاني من اليمين اللي على أجاك. الفرو البني مع نقشات الأبيض و أسود أعطى للفستان روح، أعرف إني الفساتين الأخيرة (الثالث و الرابع، و فيه واحد زيادة ما حطيته) هي اللي بتكون على الريدكاربيت، لكن أبغى أشوف الفستان الأبيض على الريدكاربيت، على كارمين إجيقو، أو أي أحد يمكن مع كلتش ذهبية. الفستان الأول أحسه بيكون حلو على كايت بلانشيت، مع إني أحس إنها قد لبست شيء يشبه له. أعتقد واحد من الفستانين الأخيرات بتلبسه: جوليان مور، إيما واتسون، أو نيكول بليتز. 

وش رأيكم بالمجموعة، أو طفشتوا من قلة الألوان بملابس الشتاء الجاي؟