بدأت أسابيع الموضة لخريف 2015 من يومين تقريبا، بنيويورك كالعادة، و طبعا "لازم" أكتب عنها، مادامي تقريبا صرت ما أكتب عن شيء. المهم ما أعرف للموسم الكم أبدأ بكلام عن مجموعة كريتشيرز أوف ذا ويند. لكني أعتقد إنهم يستاهلون، و أظن إنهم من أكثر الوجوه الجديدة (ما صارت جديدة الحين) بس إنها من أحسن المجموعات اللي طلعت بالمواسم الأخيرة.
المرة هذي أعتقد فيه شيء مختلف من كرييتشيرز أوف ذا ويند، أحس الملابس بالنهاية طلعت كأنه لو جمعنا كارفين و No. 21، و حطيناهم بمجموعة وحدة، بس تعرفون إني أحب كل الماركتين فما عندي إعتراض علي الفكرة. أعجبتني الملابس اللي فيها فضي، حسيت فيها لمسة فينتاج، و تعرفوني أي شيء فيه شيء فينتاج بسهولة أقتنع فيه. بعد مرة أعجبني الفستان الأبيض و الأسود (الأول من اليمين)، أتمنى أشوفه على أليكسا شونق، أما أكثر قطعة مفضلة عندي، و اللي لو حصلت لي كان لبسته، هو اللبس الأول من اليسار، إذا ما حصل و لبسته، أتمنى لوبيتا نيانقو تلبسه، أو خلوها تلبسه هي بكل الأحوال.
وش رأيكم بكرييشيرز أوف ذا ويند؟ أو أي مجموعة شفتوها لحد الآن؟
ليست هناك تعليقات:
إرسال تعليق