من الأشياء اللي شفتها بأكثر من مجموعة كانت الملابس فيها تأثير نهاية الستينات/ سبعينات، إذا فيه أحد يسوي ملابس السبعينات زين، أو مو حتى زين، بس دايم هو آنا سوي. آنا دايم تدور حوالي هذي الفترة، و مجموعتها الأخيرة مو استثناء، يمكن المختلف فيها تحس فيها جو وودستوك (مهرجانات موسيقية)، بنفس الوقت الطبعات اللي فيه كأنها من دفتر مراهقة.
إذا كنتوا من زمان هنا، تعرفون إني أحب كثير ميديم كيرشوف (من لندن)، أحب الشيء الطفولي بملابسهم، اللمسة هذي حسيتها كثير بملابس آنا هذي المرة، بس شوي أكبر، يعني كأنه مراهقة، موب مراهقة من هذا الوقت، بس مراهقة من فترة لما كان كليرز يعتبر أحسن مكان للإكسسوار ممكن تشتري منه.
خطوط الملابس بالمجموعة مرة سبعينات (هيپي)، لكن الطبعات عليها مرة ظريفة زي الطيور اللي على جاكيت اللوك الأول (يمين). أو التانك اللي بعده كأنه مأخوذ من فيلم كرتون قديم. على أنه بالعادة ما نشوف كثير من آنا سوي على الريدكاربيت أو حتى برا الريدكاربيت، لكن هذي المجموعة متحمسة أشوفها على أحد، أعرف إن بوبي دوليفان مثلا تحب السبعينات، أشك إنها بتلبس منه، لكن ما يمنع إني اتأمل إني أشوفها فيها.
أنتم وش رأيكم بالطبعات؟ و بملابس السبعينات بشكل عام؟
ليست هناك تعليقات:
إرسال تعليق