لو كنتوا متابعيني من زمان (أكره أقول هذي الجملة، بس وش أسوي من زمان و أنا أكتب هنا)، بتتذكرون إني قد تكلمت مرة عن ماركة إنجليزية اسمها لويلا أفلست، كنت أحبها. المهم، و لو تتذكرون بعد قلت لكم بالكلام عن أسبوع نيويورك لخريف 2014 إن مارك باي مارك صار عنده مصممات جداد، وحده منهم هي مصممة لويلا السابقة. الأسبوع هذا نزل اللوك بوك حق مارك باي مارك ريزورت 2015، و أعتقد إن المجموعة مرة مميزة.
ما أدري إذا أنا أعرف أذواق الناس اللي حولي أو لا ، بس أحب أقنع نفسي إني أعرف، فهذي المرة بأقول إني أعتقد إني هذي المجموعة مرة ذوق أختي. المجموعة ما فيها قطع كثيرة، لكن أعتقد إن القطع اللي موجودة باللوك بوك مرة حلوة، و إذا ما زالت أسعار مارك باي مارك زي ما هي، أقدر أشوف ناس كثير (خصوصا الطلاب) بيتوجهون لها خصوصا إنها أرخص من أكني ستوديو مثلا، أو أليكساندير وانق.
أنتم وش رأيكم؟ أعجبتكم أو تفضلون مارك باي مارك قبل لويلا بارتلي و كايتي هيلير؟
ليست هناك تعليقات:
إرسال تعليق