لفترة طويلة كنت أقول، لما شفت هذا الإيديتوريال، عرفت وش ستايلي بالضبط، لأن هذا كل شيء أتمناه بلبسي، بس شيء واحد مو مضبوط، إني ما ألبس أبيض كثير، مو لشيء بس لأني أحب الأسود أكثر. باقي الأشياء كلها أحس تقولي خوذيني (عندي احساس لو الملابس تحس، كان جت عندي من دون ما أدفع فيها فلوس، مو لأني استاهل أو أي شيء زي كذا، بس أحس رحمة فيني، من كثر ما أمدح فيها).
الشيء اللي أعتقد إني أحبه، غير تخليط الأشياء، و هو هنا موجود، مع خلط أشياء مو فخمة أبدا زي الكولا، مع ملابس غالية، أو خلط الترتر مع خطوط و ألوان نظيفة و محايدة.
ثلاثة من الصور اللي اخترتها فيها شيء له علاقة بالكولا، مع إني ما أشربه، بس دايم أحس شعار الكولا و طبعاته مرة حلوة، تعطي شعور ڤينتاج. و ألوانه حلوة. طبعا تعرفون إني أحب الترتر، علشان كذا بعد ثلاثة من الصور الأربعة اللي اخترتها فيها ترتر، ليچينچ أو ما أعرف وش ممكن يوصف من لوي فيتون (أعجبني كيف نسقوه مع شيء بسيط مرة) صار مرة أنيق و مو مبالغ فيه، شنطة أشيش اللي على شكل كيسة مكتوب عليها كوك، و سويتر مارك جايكوب الحمراء. (لو بغيتوا شيء يشبه لها أو علي الأقل يشبه للثانيات منها (مو مرة، بس نفس الفكرة) هنا و هنا تلقونها ب39 دولار، أما شنطة أشيش أرخص شيء لقيته ب 460 دولار.
هنا تلقون باقي الإيديتوريال من مجلة i-D، ما أعرف إذا حتى أنتم معجبين بهذا الإيديت زيي، أو تشوفنه بايخ، و لا فيه شيء مميز؟
ليست هناك تعليقات:
إرسال تعليق