ما أعرف إذا قلت لكم أحب الأشياء "التاكي"، أحس فيه خط بين استخدام الأشياء اللي شكلها "تاكي" رخيص بشكل حلو، و الأشياء الرخيصة اللي يطلع شكلها رخيص و بايخ. من الأشياء اللي يمكن تكون بايخة بس صايرة أحبها هي التاتوز أو الوشوم القديمة. مو علي، لأنه بايخة، بس عاجبني استخدامها ببعض الأشياء، أحس فيها ظرافة بسذاجة. ما أعرف إذا كلامي له معنى عندكم، بس يمكن تفهمون لما أتكلم عن الموضوع.
من أكثر العروض اللي كنت منتظرتها، بس للأسف ما طلع اللوك بوك حقها إلا متأخر، كانت مجموعة ڤيكا چازينسكايا، المجموعة كان فيها أشياء كأنه تاتو فكان لازم تعجبني، وش أسوي أنا كذا إذا طحت بشيء عجبني، لازم كل شيء يدخل فيه هذا الشيء يعجبني بعد. التاتو بعد كان بعرض مارتين مايسون مارچيلا أوت كتور، حطيته هنا، و توقعت ريانا تلبسه، بس لسا ما فيه أحد لبسه. و لأني زي ما قلت لكم إني إذا عجبني شيء أدور عليه بكل مكان، لقيت هذي الجزمة بإتسي صاحبتها ترسم عليها كأنه تاتو قديم (أعتقد إن الصورة المرسومة ممكن تختار صورتك أنت). آخر شيء لأن الموضوه عن التاتوز القديمة، هنا كتاب عنها، أظن أنه كتاب ظريف لو مهتمين تشفون تصاميم و صور عن التاتو القديم.
أنتم وش رأيكم بالتاتوز، عجبتكم أو تحسون إنها بايخة؟
ليست هناك تعليقات:
إرسال تعليق