قبل فترة (مو قصيرة) شفت هذا الصورة (اللي تحت) لإيدتوريال من مجموعة جديدة لوايلد فوكس (بالمناسبة وايلد فوكس أول شيء يجي ببالي لا فكرت بشيء أوفر برايسيد) قولوا لي أنا الوحيدة اللي أشوف كذا؟ ما علينها أعتقد الإيدتوريال طلع قبل عرض ذا قرايت قاتسبي بشوي (ىعني مع الهيصة اللي صارت على الفيلم). تعرفون إني من زمان أحب العشرينات (ما أعرف أصلا مين ما يحبها) بس أكيد إني أختي تحبها أكثر P:. المهم على إني أحب العشرينات ما قد حصلت لي فرصة إني لبس فلابير أبدا (تخيلوا) علشان كذا لما شفت هذي الصورة مرة عجبتني.
الشيء اللي عجبني هو اللمسة العصرية على موضة الفلابير والعشرينات، نسيت الصورة، لكن بما أنه قرب الهالوين (زي كل سنة أقولكم ما قد أحتفلت فيه) لكن أحب الحفلات التنكرية، أو فكرة اللبس التنكري، فقررت أنه لو خاطرك تحتفلين بينك و بين نفسك، أو مثلا بتسون حفلة صغيرة ما فيها هيصة واجدة، أو حتى لو تعرفين أنه مع كل موضوع ذا قريت قاتسبي كل العالم بتصير لابسة لبس عشرينات، أظن هذي فكرة أو اقتراح أنك تكونين مختلفة، و أعتقد إنها ظريفة.
إذا ممكن أتخلي عن كل شيء بلوك عشرينات "مطور" أظن إني ما أقدر أتخلى عن تنورة ترتر، أتذكر إني من زمان و أنا متعلقة فيها، من شفت عرض لرالف لورين قبل أكثر من موسم. فكرت بعد بدل الشنطة الصغيرة أو شنطة المكياج/الزجاير اللي كانوا بالعادة يشيلونها، بتكون النسخة العصرية شنطة صغيرة للجوال، و لقيت هذا الغطاء للأيفون. بشكل عام مرة مستظرفة اللبس، أعرف بتقولون خير؟ أنت اللي مختارته و مبسوطة عليه، بس عجبني مرة، و أحس من دون الهيدباند هذي اللي فيها ريشة ممكن يكون لبس حفلة عادي، و لا أحد يعرف أنه نسخة مطورة عن العشرينات إلا أنت.
وش رأيكم أنتم؟ و إذا كنتوا تسوون حفلات تنكرية وشو أحسن لبس لبستوه؟ أو اللبس اللي تتمنون تلبسونه؟
فرحت بالصوررره كثييير جتني هديه لبنتي تنوره ترتر نفس الالوان ونسقت معها سويتر عنابي بس عجبني تنسيقك اكثر للصيف ان شاءالله لكن الحين وش اقدر البسها تحت مع السويتر العنابيه (شوز فلات وكيلون )ويطلع لي هالجو العشرينات اذا فيه اي اقتراحات اكون شاكره واذا فيه تنسيق احلى من السويتر كلي اذان صاغيه
ردحذفأهلا haloy آسفة إني ما رديت أبكر، لكن ما كان عندي نت بالفترة الماضية، أولا شكرا لكلامك من جد ابسطني، ثانيا، أتمنى إن ردي مو متأخر، بس أعتقد جزمة بتكون حلوة يمكن mary jane kitten (هو الكعب الصغير مع حزام). سويتر حلو، ممكن بعد تلبسينها مع تي شيرت، و تلبسن فوقها كارديقان طايح و طويل شوي. شكرا و آسفة مرة ثانية.
حذف