الجمعة، 28 يونيو، 2013

Salute to Lacroix

ما أعرف آصف ذوقي بس أعرف وش ما أحب، أو وشي الأشياء اللي ما ألبسه. بنفس الوقت أعرف إني ما أحب الأشياء الكبيرة، المعقدة، أحب أكون مرتاحة بلبسي، و اللي يقول الفاشن لازم تكون مو مرتاح أعتبره شخص مسكين يحب يعذب نفسه (أعرف فيه فرق بين الفاشن و ستايل)، بس ممكن حتى الفاشن تخليه مريح. 
اللي باتكلم عنه اليوم ماله شغل بالبساطة، يمكنها من آكثر الملابس "كركبة" و يمكن بعد حوسة، لكني آحبها مرة، أولا لألوانها، كمية الخامات المستخدمة فيها، أعتقد لاكوا هو المصمم الوحيد اللي يستخدم بتصاميمه كل الأشياء اللي نحبها، لا تطلع بايخة، (تلقون بنفس الفستان كرستالات و شيفونات و تطريز و شك و دانتيل، و ذهبي و فضي و تطلع حلوة. يمكن أكثر شيء أحبه بلاكوا أنه من وقف 2008  بسبب الإفلاس و أنا أرجع أشوف تصاميمه، و لا أحس إنها قديمة، و خلاص راح وقتها. 



المهم قريت ب The Cut من New York Magazine أنه الأسبوع الجاي بيعرض لاكوا مجموعة أوت كتور لدار "سكابيرللي" (إذا كان نطقي صحيح لها)، صراحة أعرف أنه يمكن شيء بايخ، بس بجد ما قد سمعت خبر بالفاشن فرحني (إيه أحب الملابس الحلوة و أتابع أخبارها، بس ما تخليني "أفرح")، المهم ما فيه خبر فرحني زي هذا، مع أنه مع هذا الخبر الحلو، فيه خبر مو حلو، و هو أنه هذي المجموعة الوحيدة اللي بيصممها للدار بعدين ممكن يآخذها مصمم روشا ماركو زانيني. 
إلى يوم الإثنين الحاي (يوم العرض)، و إلى ما تطلع صور من العرض، (الفساتين بتكون على منيكانات مو عارضات) متعوا نظركم بهذي التصاميم للاكوا من مجموعات أوت كتور مختلفة لكريستيان لاكوا. (بالمناسبة إذا كنتوا ما تعرفون لاكوا فقد الحقوق التجارية لاسمه، فحتى لو رجع لتصميم الملابس ما راح يرجع باسم كريستيان لاكوا.