الكتابة الفترة هذي شوي صعبة. كمبيوتري انكب عليه موية، و بعض حروف الكيبورد ما عاد تشتغل، فلازم ألقى جهازي ثاني أكتب منه، أو زي هذي الحالة أكتب من الآيفون.
ما علينا، المهم الأسبوع اللي فات كان أسبوع الموضة لأوت كتور خريف 2014. و هنا "تقرير" عن الأسبوع.
هذي المرة على غير العادة، عرضي المفضل كان أتلييه ڤيرساتشي، أعتقد أنت مرة حلو، و مع إنه إلى الآن فيه تصاميم ڤيرساتشي "سيكسي". إلا إني أحس أنه فيه تنوع، و يصلح لناس كثار.
على غير العادة بعد، أعتقد إنه أكثر مجموعة بنشوفها على الريدكاربيت بتكون جامباتيستا ڤالي، مو إيلي صعب. أحس فساتين ڤالي تصرخ ريد كاربيت. مع ذلك اخترت هنا لوك أشك أنه راح يكون ريدكاربيت و هو اللبس اللي التوب حقه كأنه بيجاما (أعرف الناس لبسوا البيجامات و قطعوها، بس إلى الآن أحبها). لو أحد بيلبسها أعتقد بتكون يوليانا سيرچينكو.
بالكلام عن يوليانا، أظن مجموعتها أسوأ مجموعة طلعتها من بدأت تصمم. أحسه خليط من كل المصممين و لا عجبني شيء. بالمناسبة مجموعتها الماضية انلبست كثير ريد كاربيت، مع إنها كانت عاجبتني، إلا إنها على ناس كثير ما طلعت حلوة.
أعجبني ديور، شانيل بالنسبة لي فساتين مرة حلوة، و ملابس مرة مو حلوة. أعجبني مرة الفستان الأحمر من أرماني براڤي، أظن إن كايت بلانشيت لازم تلبسه. ڤالنتينو كان كويس، مو مميز، لكن أعتقد مصممينه جالسين يحاولون يآخذونه لشكل جديد بعيد عن الشكل اللي كان عليه بالثلاث سنوات الأخيرة.
آخر شيء هذا الفستان الأسود بكورسيه كريستال من جان بول چوتييه. هذا الفستان أحسه مخلوق لدينا فون تيس، لو ما لبسته لو بعد عشر سنوات، بأجمع فلوس و اشتريه لها. P:
المهم صحيح إن ما عندي كيبورد صاحي، بس بآحاول أكتب عن فساتين الموسم اللي خلص، و اللي تمنيت/ خمنت إنها راح تلبس.
بس الحين أنتم وش العروض المفضلة عندكم من أسبوع الأوت كتور؟
يكون أسهل لو تحطين الأسماء على الصور
ردحذفآسفة بس كان صعب شوي علشان الكيبورد ما يشتغل.
حذف