الأربعاء، 22 مايو، 2013

Ulyana Sergeenko Phenomenal

هذي تدوينة ثانية من كان. هذي المرة بعد عن مصمم ... أكثر من مرة (أو يمكن مرة بس) :) تكلمت عن يوليانا سيرقنكو، للي ما حصل و عرفها من قبل من هنا، أو من أي مكان ثاني يوليانا مصممة روسية، يمكن أكثر شيء يميزها فساتينها اللي كأنها طالعة من حكايات قديمة. 
بصراحة كنت أتوقع إنها بتكون "بوبيلر" بين السلبرتي، بس ما توقعت بهذي السرعة (بس بعد مجموعتين كتور). 


لإفتتاح كان ممثلة صينية إسمها زانق يوكي (أعتقد كذا ينطق اسمها) لبست هذا الفستان الأخضر من مجموعة يوليانا أوت كتور لربيع 2013 بعدها بيومين طلعت فان بينق بينق بفستان ثاني من يوليانا بلون أزرق سماوي. و أمس لبست نتاليا فيديانوفا فستان بعد لويليانا أحمر (مو أول مرة تلبس من يوليانا).  الشيء المشترك بين الثلاثة فساتين مو بس أنه كلها من تصميم يوليانا سيرقنكو بس، لكن حتى الجزء العلوي تقريبا نفس الشكل. 
أعجبني اللون على زانق، أعجبتني المجوهرات اللي أختارتها فان مع الفستان (هنا تلقون صورة أوضح للمجوهرات) و أعجبني كيف نتاليا منسقة للبس (قلت لكم أكثر من مرة أحب كيف نتاليا دايم مكياجها و تسريحتها بسيطات حتى لو كان الفستان فخم). 

أنتم وش رأيكم بفساتين يوليانا؟ و على مين أكثر شيء أعجبكم؟