الاثنين، 18 فبراير، 2013

Unique Affair

أولا أعتذر عن لو كنت متأخرة شوي بالكلام عن العروض، لكن آسفة اليومين اللي فاتوا ما كان عندي نت، فالحين جالسة أراجع اللي فاتني :). 
أعتقد بعد ستة مواسم تابعتها لتوب شوب يونيك، أقدر أقول إنها وحدة من الماركات المفضلة عندي و إني أقدر أقول إني صرت واثقة إنها ما راح تخيبني. 



علشان أكون صريحة معكم، الملابس اللي طلعت بأول العرض ما أبهرتني، يعني إيه ملابس حلوة، بس بالنسبة لي مو نوعية الملابس اللي تخليني أكتب عنها. لما وصلت هذي الكنزة (أول صورة من اليسار) حبيت اللوك بشكل لدرجة إني وقفت عنده، ما بغيت أغير بعدين أحبط من باقي المجموعة، أعجبني مرة أنه التنورة و الكنزة نفس النقش، بس الكنزة صوف (طبعا) و التنورة شكلها حرير. طبعا كان لازم أغير، بعدها وصلت للوك اللي بعده، و اللي كان هذي التنورة (تان أو كونياك) اللي ما أعرف وش نوعيتها مع كنزة تقريبا نفس النقش بس الألوان غير. لحد الآن من العروض لو سألوني مالك إلا شيء واحد تآخذينه وش تآخذين، أعتقد إني بآخذ هذي الكنزة، كل شيء فيها حلو، ألوانها، نقشتها طولها، و شكلها (حلوة بشكل). التنورة الترتر أعجبتني مرة، لونها مرة حلو مع طولها، و كونها ترتر طالع شكلها مرة أنيق بس بشكل على الأقل بالنسبة لي ما قد شفت شيء يشبه له، (أتمنى أشوفه على أحد بس رجاء مو ريانا). آخر شيء عجبني مرة الجمب سوت  الأخير (أعتقد الجمب سوت بترجع من جديد). لونها و موديلها، مرة ثانية إنها ترتر كل هذي مجتمعة مخليتها قطعة مميزة تستاهل نشوفها على الريد كاربيت (ودي لو تلبسها دري هامنقوي).

وش أعجبكم من لندن لحد الآن؟