أعتقد أنكم تدرون إن أسبوع نيويورك للموضة بدأ من قبل أمس تقريبا، من الأسماء "المعروفة" بنيويورك إلى الآن ما عرض إلا جايسون وو. أمس كان فيه عرض سونو. من زمان و أنا تعجبني هذي الماركة، بس ما أعرف ليه ما قد تكلمت عنه (يمكن لأن لبسهم موب لبس للريد كاربيت). ما علينا، عرضهم أعجبني مرة، و أحس أنه أحسن عرض لحد الآن شفته.
بعروض ربيع و صيف 2013 تكلمت عن القمصان بعرض ألتزورا، و كانت عاجبتني مرة (خصوصا إن ألتزورا كان محولها لفساتين تقريبا). قبل يمكن أسبوع كنت ب H&M و شفت عندهم مجموعة من هذي القمصان اللي يسمونها كونتراست شيرت، و راودتني نفسي إني آخذها علشاني شفتها بعرض ألتزورا، لكن تراجعت لأني حسيت إني ما راح ألبسها زين (يعني ما راح ألقى طريقة أصير مقتنعة إني لبستها بشكل جديد). ما أدري إذا كلامي مفهوم أو لا، بس خلونا نكمل :). اليوم و أنا أشوف عروض أمس اللي ما شفتها على Style.com شفت القمصان هذي من جديد بعرض سونو، و شكلي قررت إني آخذها من جديد. سونو استخدموا القمصان بشكل ثاني (زي ما أنتم شايفين طرزوا عليها ورود). خلتني زي ما قلت لكم أفكر أرجع أخذ واحد، و أطرز عليه أنا ورود (أظنه بيعطي أي شيء ينلبس معاه شكل جديد). بشكل عام كان عرض سونو حلو، إذا تبغون تشوفونه كامل تلقونه هنا.
ليست هناك تعليقات:
إرسال تعليق