قلت لكم لما تكلمت عن أحسن ملابس شهر يناير إن مجموعة لوي فيتون لربيع 2013 (بمربعاتها) مسيطرة على الريد كاربيت من نهاية السنة اللي فاتت. واضح إن المجموعة اللي فيها كثير من موضة المود اللي كانت بالستينات، مو بس مكتسحة بمربعاتها، لكن بعد جايبة معاها "الفيونكة".
زي ما تشوفون من كيري واشنطن بواحد من بريمرات فيلمها الأخير جنقو، لميروسلافا دوما بعروض الأوت كتور قبل أسبوعين تقريبا، و فيرجين كليزنز (حفيدة كليرنز حق مستحضرات التجميل) و كلهم لابسين من المجموعة نفسها (لوي فيتون ربيع 2013). و آخر شيء هانلي موستابارتا بمارني، بحفل إطلاق عطر مارني (بالمناسبة ودي أشمه أحس ريحته منعشة، شي يشبه ديزي حق مارك جايكوبز).
بصراحة ما أعرف موقفي من الموضوع هذا، يمكن دايم أحس أنه الربطة أو الطوق لعمر معين و لمناسبات محدودة، شخصيا ما أظني راح أسويها، لأنها "كيوت" بزيادة (وهذا مو أنا)، و الشيء الثاني أحسها تصلح لبنات صغار، مو لأحد فوق العشرين.
أنتم وش رأيكم ممكن تلبسونها؟ أو تشوفونها ماتناسب لأي سبب.
ليست هناك تعليقات:
إرسال تعليق