الثلاثاء، 5 فبراير 2013

Off Duty

بقى 20 يوم على الأوسكار و أسبوع الموضة بنيويورك لخريف 2013 بيبدأ بعد يومين. قبل ما ندخل الزحمة هذي، شفت الصورة لنايومي واتس و حبيت أتكلم عنها. طبعا نايومي مرشحة للأوسكار و من بدأ موسم الجوائز و هي جاية لوس أنجليس (بالعادة تكون بنيويورك). 


بشكل عام ما يعجبني ستايل ناومي واتس (على الريدكاربيت)، و أشوف إنه تطلع بشكل حلو، لكن ما فيه أي شيء مثير أو جديد. بس أعتقد ستايلها حق كل يوم يستاهل الواحد يناقشه، أنيق و مرتب و مو متكلف، و أعتقد أنه الستايل اللي ممكن أسوي زيه لكل يوم. 
بالصورة اللي فوق أعجبني لبسها. البنطلون اللي كأنه رجالي (قصته/قماشه) و لابسة معاه جزم أوكسفورد، بعدين من فوق لابسة تانك وردي. الشيء اللي أعجبني باللبس هذا التضاد: من فوق اللبس خفيف و "نسائي" مع هذا اللون و التوب اللي من دون أكمام (أعجبني إنها مختارة توب وردي). و من تحت يتحول للوك "ولادي" (من يوم و أنا صغيرة أحب الرمادي مع الوردي). شخصيا لو كنت باسوي موضة اللبس الولادي اللي طلعت قبل موسمين تقريبا، بأسويها بطريقة نايومي واتس.