السبت، 15 ديسمبر، 2012

Night for Day

من فترة و أنا مهوسة بفكرة شيء فخم يخلط مع شيء مو فخم (لو كانتوا فهمتوا علي) أتذكر أول مرة عجبتني الفكرة، شفت دايان كروقر تتمشى بجاكيت شانيل. الكلام هذا كان يمكن قبل سنة أو أكثر. طبعا أكثر شيء كان عاجبني إنها محولة جاكيت زي شانيل للبس كاجوال مرة. طبعا ما يحتاج أقول لكم أنه صار عندي أحلام إني ممكن ألبس جاكيت شانيل بهذي الطريقة (طبعا الجاكيت لسا ما زال بالأحلام) :).
بداية الأسبوع كان فيه عرض شانيل بري فول بأدنبرا و من الحاضرين جاية ممثلة سويدية (جديدة) أعتقد إن إسمها إليسيا فيكاندر (مو متأكدة إن اسمها ينطق كذا) :).


إليسيا كانت حاضرة، و تقريبا مسوية نفس الموضوع اللي أعجبني شكل دايان فيه، صحيح شكل إليسيا أقل كاجوال، بس بالنسبة لي يكفي أنك تلبس جينز مع جاكيت شانيل و بهذي الحالة مو بس جاكيت شانيل عادي (أوت كتو). يكفي أنه يخليني ودي أقوم و أسرق جاكيت شانيل الحين، و ألبسه مع أخيس جينز عندي، بس قهر بشانيل (أعرف ما دروا عني) :). المهم قررت إني أسوي سيت للفكرة اللي ببالي (حتى لو ما كان الجاكيت شانيل)، عن جاكيت فخم للبس كاجوال.


Night for Day



Rock shirt / Miss Selfridge / Cheap Monday skinny leg jeans, $75 / Del Toro leather slipper / Alejandro Ingelmo zip bag

طبعا أول شيء بديت فيه هو البانطلون لأني قلت لكم أحس كل فكرة أني أحول شيء فخم لشيء مو فخم تبدأ من الجينز. أخترت هذا الجينز يمكنه لأنه على الأقل حسب علمي (أقدم لون جينز أعرفه) و حبيت أدخله بالسيت و شكله حلو. الجاكيت قررت إني ما أفكر بشانيل علشان أبدأ استوعب إن الفكرة ممكن تكون حلوة من دون شانيل :). بعدين قررت أختار شنطة باكباك علشان ما يكون فيه أمل إن اللبس هذا يكون لبس سهرة بأي شكل. التي شيرت أعجبني من محل من إتسي، و حسيت أنه بيعطي الجاكيت الباروك حس عصري. أما الجزم ما أعرف ليه اخترتها بس إني أحب السلبيرز، ما أعرف كم مرة قلت الكلام هذا هنا، بس أحب هذي الجزم. آخر شيء هو الكتاب اللي على جنب أسمه Little Black Jcket من شانيل مسويه كارل لاقرفيلد مصور فيه مشاهير من كل العالم لابسين جاكيت أسود شانيل بستايل مختلف. الكتاب مو عندي، بس شفت صور منه (و عادي جدا تعطوني إياه هدية، بدل الجاكيت نفسه، ما أحب أضغط عليكم). D: هنا تلقون الكتاب