من يومين أو أكثر شفت صورة للورين دومنيقو (محررة بمجلة فوق) ما أعرف وشي المناسبة، و لا مهتمة أعرف صراحة، بس لورين كثير مرات تطلع بلبس حلو (دوروا على صور زواجها بالنسبة لي فستانها كان خرافي). المهم إن لورين كانت شايلة شنطة صغيرة فيها مكياج (أعتقد إنها كانت منتشرة بالعشرينات، أكيد من القرن اللي فات).
لأني ما لقيت (أو ما دورت بضمير) عن نفس نوعية الشنطة اللي مع لورين (متأكدة إن اللي معها فينتاج)، فقررت أجيب أشياء ممكن تكون "بديل" لها (أهم شيء الفكرة)، خصوصا و إنه من زمان عاجبتني الشنطة اللي من هاوس أوف هارلو. حاولت قد ما أقدر إني أختار أشياء أسعارها معقولة، أو قصدي خيارات أسعار أكبر. أعرف أنه حتى أرخص وحدة مو رخيصة مرة، بس أعتقد إنها ظريفة :) الشنطة الأولى أو الأرخص من نالي على شكل نجمة تلقونها عند أيسوس هنا، فيه عندهم أكثر من لون، شخصيا هذا اللون هو اللي أعجبني.
الشنطة الثاني من هاوس أوف هارلو، أعتقد من تشكيلة السنة اللي فاتت، بس لقيتها بأكثر من مكان تنباع، و نفس الموضوع فيه أكثر من لون (مو رخيصة بس حلوة).
آخر وحدة من جيمي تشو أعجبتني الشنطة كثير، ما عادا شيئين ما عجبوني فيها سعرها أكيد (ما أشوفه طبيعي). و أنه مكتوب عليها جيمي تشو.
شرايكم بالشكل هذا من الشنط مع ملابس السهرة؟
شرايكم بالشكل هذا من الشنط مع ملابس السهرة؟
اي شي فلابير انا احبه اصلا عامل كبير اني اشوف افلام صامته كثيره هو الملابس
ردحذفقد مره عجبتني وحده عن سبانيش موس بس مالقيتها الحين فرحت اتسي اشوف لي شي اذا تبين او اي احد يجيب لي
http://www.etsy.com/listing/107628084/1920s-art-deco-dance-purse-silver?ref=sr_gallery_5&ga_search_query=flapper+bag&ga_order=most_relevant&ga_view_type=gallery&ga_ship_to=US&ga_page=24&ga_search_type=all
http://www.etsy.com/listing/110185777/vintage-inspired-beaded-sequin-handbag?ref=usr_faveitems
http://www.etsy.com/listing/83046310/vintage-carnival-glass-beaded-purse?ref=sr_gallery_9&ga_search_query=flapper+bag&ga_order=most_relevant&ga_view_type=gallery&ga_ship_to=US&ga_page=10&ga_search_type=all