الجمعة، 9 نوفمبر 2012

Ugliest Shoes/All Time Favorite Shoes

شفت هذا الموضوع عند The Cut عن أقبح 50 جزمة، تحمست أشوف قائمتهم علشان أشوف أقبح جزمة بالنسبة لي داخلة بالحسبة أو لا. الحمد لله لقيتها موجودة. هنا تلقون القائمة.
صراحة بالنسبة لي بعض الأشياء اللي موجودة بالقائمة مظلومة و أحس أنهم تبلوا عليها بس علشان يملون القائمة، لكن فيه أشياء بجد تصيب بالغثيان و لا أعرف كيف فكروا فيها. أما أقبح جزمة عندي هي UGGS و لا أقدر أناقش فيها.


شخصيا ما أعرف مين اللي سمح فيها بالأول، و لا أعرف مين اللي تجرأ و نشرها، و لا تقولون لي مريحة أو دافية، بعد أم حديجان مريحة و دافية (للي ما يعرف أم حديجان، أو يسميها اسم ثاني هنا صورة) بس ما اتجرأ أطلع فيها قدام العالم، و لا أدفع فيها فوق 100 ريال.

لأني ما أبغى أنكد عليكم بالجزم الشينة، هنا باحط قائمتي لأحسن الجزم اللي شفتها (طبعا و لا وحدة عندي، فاللي يبي يفرحني ما عندي مشكلة :) ). أغلبها كلاسيكية، يعني كل سنة يطلع منه إلا فيندي و ديزيرت بوت من كلارك الثنتين اللي خاطري فيهم كلهم مجموعة محدودة (بس الجزمة هذي كلاسيكية عند كلارك فيه نسائي و رجالي و حتى أطفال، بألوان مختلفة). هنا تلقون الألبوم

أنتم وشي أحلى أو أقبح جزم بالنسبة لكم؟