السبت، 17 نوفمبر 2012

Good & Beautiful

من أسبوع أو أكثر تقريبا عرفت عن هذا الشيء، أو هذا التعاون بين Children in Need و بعض المصممين (عشرين مصمم بالضبط) علشان يسوون نسخة من تعويذة المؤسسة اللي هي عبارة عن دب أو "دبدوب" فيه عصابة على عينه (اسمه بودسي). المهم علشان ما أكون كذابة، بس عرفت عن هذي المنظمة لما عرفت عن التعاون. هي باختصار مؤسسة خيرية تابعة ل BBC هدفها إنها تساعد الأطفال المحتاجين ببريطانيا. 


أعترف إني ما زلت أحب ألعاب الأطفال (ما وصلت مرحلة إني أشتريها) بس أعتقد دب زي هذا ما يحتاج أنه يكون لعبة لأطفال :) بعدين وش أحسن من أنك تشتري شيء حلو زي كذا، لهدف نبيل P: للأسف إني لما شيكت على الموقع لقيت إنها راح تعرض للمزايدة، لكن ما كنت أعرف بكم راح تبدأ، أمس لما شيكت من جديد، لقيت إن بعضها معروض للمزايدة أونلاين (مو بس بمزاد كريستي)، لكن أسعارها "مجرمة" و لا أقدر عليها :(، و أعتقد إني لو حتى حاولت أشتري أى شيء منها بانتهي أنا كمحتاج لمنظمة خيرية إنها تتصدق علي. 
هنا تلقون رابط للدببة اللي معروضة للمزاد أونلاين، و مع الأسعار اللي وصلت لها. حتى لو ما تقدرون على الأسعار (طبعا ما زلت أشوف أن شراءها أمر طبيعي، ما دامت الأرباح بتروح لهدف خيري). طبعا لو تقدر. حتى لو ما تفكرون تشترون بس استمتعوا، و تلقفوا شوفوا كم الناس مستعدة تدفع :). و لا تنسون تقولون لي أي دب هو الدب المفضل عندكم.