الخميس، 15 ديسمبر 2011

Effected

ما كنت أؤمن أنه ممكن ممثلة يتأثر شكلها بدور هي مثلته، مع إني ما زلت أردد إن آن هاثواي ما تعدل لبسها إلا بعد "ذا ديفيلز وير برادا". لكن بعد ما شفت كيف روني مارا تغيرت بعد تمثيلها فيم "ذا قيرل ويذ ذا دراقون تاتو" عرفت كيف الدور ممكن يأثر على حياة ممثله. 


من اليسار روني قبل ما تصور الفيلم، و من اليمين صورة لروني قبل شهر بوحدة من المناسبات، (شوفوا هنا شكل روني بالفيلم). بالنسبة لي أنا حابة التغيير اللي سوته، عاجبني القوثيك عليها، الشعر الأسود، مع الحواجب و الغره القصيرة، مناسبة مرة عظام وجهها، و بالنسبة لي أتمنى تبقى على هذا الشكل. 


لما شفت الصباح هذي الصورة لروني و هي تروج للفيلم حقها (نفسه)، بالسويد، و لابسة هذا الفستان الأسود من برابل قرونق، تأكدت أنه روني المفروض ما ترجع لشكلها الأول، مو لأنها مو حلوة فيه، لكن لأنه بهذا الشكل مستحيل أحد يشوفها و ينساها، لكن يوم بشكلها الأول شفتها أكثر من مرة، و كل مره أنسى كيف شكلها، لما أقرى عنها شيء.

شرايكم باللوك القوثيك؟ و بأي شكل عجبتكم روني أكثر؟

هناك تعليق واحد: