الاثنين، 23 مايو، 2011

Old Days Are Back?!!

أمس خلص كان، فازت كيرستين بجائزة أفضل أداء نسائي (توقعت، خصوصا مع سالفة النازيين اللي سواها المخرج)، و لا أتوقع تفوز بأي جائزة إمريكية.
ما راح أتكلم عن كان، ما أعرف ليه هذي السنة أحس إني ما شفت بالمهرجان أشياء كثيرة تعجبني (مو قايلة لكم صاير ما يعجبني شي :). المهم بعد أمس ما أدري اليوم، كان فيه مهرجان غنائي بأمريكا، أمريكا كل يوم عندها مهرجان غنائي، المهم كانت جاية له نيكول كيدمان، مع رجلها مغني الكنتري كيث أوربان. 
لازم أعترف لكم إن نيكول كانت حبيبتي من بداية الألفية تقريبا، فجأه صارت ما تهمني، فجأة بديت ما أحبها، بعدين صارت ما تهمني من جديد (دورة الحياة)، المهم صورتها هذي شكل بتراجع مشاعر الألفية من جديد P:


من أول مرة شفت الجديلة على الريدكاربيت على بلايك لايفلي، و أنا مو عاجبتني. ما أعرف كم مر على ذاك اللوك، بس قبل شهر ريانا كانت مسوية جديلة بعد بالقالا و نفس الشيء ما عجبتني مرة. 
ما أعرف ليه جبيت الجديلة على نيكول، شيء جديد عليها يمكن، يمكن لأني ما توقعته منها، بس شكلها حلو مرة، خصوصا مع الحلقات الفجرية، و المايك اب ... 
ما أعرف من وين الفستان  الفستان من دوريس فان نوتين، يجيني شعور أنه من مجموعات الخريف اللي لسا ما نزلت (تحديث: صار من مجموعة الخريف 2011 زي ما قلت، نسخة معدلة من هذا)، أو شيء قديم، بس بعد طالع حلو، عليها، الأكمام .. القصات ، الشك و طبعا أنه شفاف كل هذي الأشياء خلتني أحب شكلها مرة. 
و أنا أدور على من وين الفستان لقيت كثير يسبونها يقولون أنه "لوك" ممل، ما أشوفه ممل أبدا، تسريحة صيفية (الجديلة نا أعرف ليه تعطيني شعور صيف)، الفستان ماشي معاها، و الإكسسوار بعد.

الصيف دخل ما فيه كلام، و إجازة الصيف ما بقى عليها شيء، وش رأيكم بالجديلة لحقلات وزواجات؟