Pajamas Style

مهرجان كان لسا موجود، املابس متفاوته شيء حلو، وشيء مو حلو، وشيء شين ... المهم طلعت كيرستين و مالبست اللي اقترحته، بس أمس كان فيه قالا و لبست له شانيل أوت كتو المجموعة الأخيرة. أخيرا فيه أحد لبس من مجموعة شانيل الريزورت الأخيرة، و لبست منه بالقالا نفسه كلامنس بوسي، بس فستان ما توقعت ينلبس، خصوصا إني ما أشوف فيه فكرة بس طلع حلو عليها، و خصوصا مع الروج الأحمر الغامق، و اللي صايرة أحبة الفترة الأخيرة.

 

صحيح ما أحب أكتب عن ملابس الرجال، و لا توقعت أنه بكان راح أكتب عن أي رجل، حتى لو كان جود لاو من لجنة التحكيم. بس ريان قوسلينق أجبرني بشكله هذا ... 

ريان دايم شكله أنيق، و أحسه داخل جو old school Hollywood charm أحسه شايف نفسه مارلون براندو، أو جيميس دين. ما يهم هو شكله حلو، و تمثيله حلو، و يلبق عليه التصرفات هذي :) 

أتذكر من زمان أختي شغلت فديو كانوا يسألون فيه العارضة جاك عن الساتيل حقها، و قالت إن ستايلها "بيجاما ستايل"، أنا و أختي كلنا ما عرفنا وش معنى هذا الستايل خصوصا إنها تلبس أكثر الوقت جينز و تي شيرت. بس اليوم مع لبس ريان عرفت وشو هذا الستايل، بس أكيد أنه مو ستايل جاك. 

رايان لابس شيرت كأنه توب بيجاما، الحوايف، اللون، فتحة الصدر كلها تعطي هذا الشعور ... غير أن التوب هذا أعجبني أو الشيرت، أعجبني كيف لبسه، خصوصا مع البنطلون الأبيض (قطعة كلاسيكية لملابس الصيف للرجال) و جزم إكسفورد كحلي و أسود