My Dream Make-Up Artist

لما يجي الموضوع للمايك آب، حالتي معاه أحسن بكثير من حالتي مع تزيين الشعر، يعني على الأقل اتحمس إني أسوي مكياج حلو لنفسي، لو شوي، بعدين لما أشوف شغل بعض الناس زي بات ماكقراث، تجيني حالة أحباط، من اللي أشوفه، و الشغل المجنون اللي يسوونه.
قبل لا أتكلم لكم عنهاأكثر، من أيام العروض شفت هذي الصورة للمايك آب حق عرض ميوميو خريف 2011 و حفظتها عندي، علشان "يوم من الأيام" أسوي زي كذا.
بعرض ميوميو ما كان بس المايك آب حلو، حتى الملابس. المهم باحط لكم الصورة و نرجع لباث و المايك آب.

الشفايف و تدرج الأحمر عليها، هو اللي خلاني أحتفظ بهذي الصورة ... شخصيا أحب لما تكون البشرة باهته، و معاها روج أحمر، تصير كل القضية الشفايف، و لما تسوي الشفايف زي الطريقة هذي، يعني بالتحديد هذ، و تكون نفسها فيها أكثر من درجة يخليني أقتنع أكثر أنه ما يحتاج أركز على شيء ثاني بالمكياج زي العيون و عظام الوجنيتن.

المهم أنا شفت هذا الفيديو لباث ماكقراث (هي المرأة اللي تصنع العجائب بالعروض)، هي اللي تسوي المايك آب لأكثر العروض، و بأغلب الأحيان هي اللي أساسا "تخترع" اللوك، أو المايك آب ...

(نصيحة: أضغطوا على الفيديو، و شوفه باليوتيوب بحجم أكبر)

الفكرة من الفيديو إني أحب باث، و ودي أعرفكم عليها، صح هي ما تسوي تيتوريال علي اليوتيوب، و لا أعرف لها موقع تعلم عليها، بس بعض المرات يكفي تاظرين شغلها بالعروض علشان تعطيك ألهام ... 

بالنسبة لي اللوك اللي سوته للمرأة اللي بالفيديو مو لوك صيفي، حتى لو حطت لها برونز، ما أعرف كذا أحساسي أنه سموكي آيز، و روج أحمر ثقيل على لوك للصيف، خصوصا لما تكون مناسبة صباحية.
أعتقد رموش العنكبوت بتكون حلوة، بس لو كانت مع روج نود أو وردي فاتح، و sun kissed skin .. شيء يشبه المكياج بعرض لانفان، بس مع برونز أكثر.