الخميس، 19 أغسطس 2010

Whip It, Proenza Schouler and Tavi


تكلمت قبل عن فيلم Whip It و بعد تكلمت أكثر من مرة عن بروينزا سكولير (خصوصا شنطتهم) ... بس ما قد تكلمت لكم عن تافي ...
تافي بالعربي (بزر) :) بس بزر محظوظ عمرها 13 و زي ما قريت إنها بدت تكتب عن الفاشن من 3 سنوات بس وش الي يخليها محظوظة هو أنه تافي صار الناس يعزمونها (و لما أقول الناس قصدي المصممين) على عروضهم و يهدون لها قطع من المجموعات ... زي الصورة الي تشوفونها قدامكم فوق ...
بالصورة الي فوق تافي تقول أنه جاها الجينز هذا من بروينزا سكولير "هدية"، الله لنا بس :) ... أنا بصراحة مو مرة مع ذوقها، بس بجد على وحده عمرها 13 معرفتها بالفاشن كأنها آنا وينتور (رئيسة تحرير فوق الأمريكية) ... قلت لكم إن تافي بيطلع لها شأن بالأيام الجاية، كتبت بأكثر من مجلة و بسبتمبر الجاي بتسوي editorial لمجلة Black Book ننتظر و نشوف وش بتسوي ... المهم نرجع للصورة، الصورة هذي حطها تافي لنفسها لابسة بنطلون بروينزا الي على اليمين من مجموعة الخريف للسنة هذي ... المجموعة بشكل عام سطلتني، خصوصا الفساتين الي بالأخير و بالأخص الأزرق ... عجبني أنهم لبسوهم شيرت، ولو كانت بس أرخص شوي كان شريتها قيمتها فوق 1000 دولار ... هنا المجموعة كاملة.
تنسيق تافي للبس ذكرني بملابس آلن بيج بفلمها الي كتبت عنه قبل Whip It حسيته يصلح لها قوة، الشرت المقصوص (تافي تقول إنها هي القصته عشان يكون مناسب لحد الهاي ويستيد جينز) الشنطة الي عليها قطع معدنية ... و السنيكيرز السوداء الي من نايكي كلها أعطت اللوك هذا الإنطباع عندي ...
وش عجبكم من مجموعة بروينزا سكولير للخريف؟ و وش رايكم باللوك هذا ممكن تلبسونه؟

هناك تعليق واحد:

  1. اول مره شفت كولكشن برونيزا ماعجبني ولا المره الثانيه (يمكن الاضاءه)
    بس الحين مره عاجبني
    واحب تافي3> ويعجبني مره ذوقها بس موب عاجبني لون شعرها الجديد

    ردحذف