Fashion Reminder: Tilda Swinton

طفشانة و لا عندي شي أسويه، تذكرت تيلدا سوينتن ... تعجبني مره، يعجبني ذوقها، و افتقدتها قلت أشوف وش آخر أخبارها، صح صار لها فترة ما طلعت بمناسبة بس لقيت لها عذي الصور، و قلت خليني أكتب عنها خصوصا ما قد كتبت عنها أبدا (إلا مرة كنت اتكلم عن إنها صارت على غلاف مجلة).

الي يعجبني بتلدا إنها هي هي ما تتغير .. نفس الخطوط، نفس الشعر، نفس الوجه، بس الذوق ذوقها، واضح أنه ما فيه أحد يرقع لها ملابس .. يعجبني بلبسها الخطوط الواضحة المستقيمة زي الجاكيت الي لابستها على اليسار ... كله طالع حلو الجاكيت، القميص، البانطلون و أبعد الكعب ماشي مع كل اللبس ... باللبس الثاني لابسه نفس الألوان عجبني شكل الفستان، و الصورة صغيرة حسبت أنه من فوق شيفون، طلع بيج ... و عجبني أكثر لأني ما أتذكر إني شفت لبس قطعة وحدة فيه هذي اللونين مع بعض ... الجزم حلوة بعد مع الحزام الي فيها.

الفستان الي على اليسار فظيع ... لونه، كمه، طوله كله حلو ... بجد أختيار ما يقدر عليه إلا تيلدا ... اليمين و تلدا رايحة للرادو اللبس لبس رجل، مو كأنه رجل أو هذي الأشياء الي يسمونها بوي فريند ... لا ملابس رجل من فوق لتحت، و ممكن الي ساعد تيلدا طولها ... بس عجبني البوت ... و عجبتني الشنطة.