الثلاثاء، 10 أغسطس 2010

Whip It

من زمان ما كتبت عن فيلم ... اشتهيت اكتب عن هذا الفيلم الي مسويته درو باريمور ... المهم أنه ممكن تقولون لي خير وشو هذا بس صدقوني لو شفتوا الفيلم بتعرفون قيد إيش كانت إيلين بايج كيوت ... و لبسها كله طالعه فيه مره حلوه، بسيط حلو . فوضوي، مو متكلف شوي روك بس مليان تنانير يعني بناتي ...



هذي اللقطة هي الي خلتني ما أحذف الفيلم على طول ... مو واضح فيها شي بس لابسه شيرت عليه علم بريطانيا، ممكن من فترة لاحظتوا أنه فيه أشياء كثيرة صاير عليها العلم ... ما أعرف بس أحسه يعطي لمسة cool شوي على أي لبس :)


هذا هو اللبس صح بعيد شوي .. بس حاولوا تكبرون الصورة، لابسه مع التي تنورة فلورال غامقة و تايت، يعني اقتراح لو عندك شرت أبيض عليه علم بريطانيا أحس تنوره فلورال فاتحة بتكون حلوة مرة معاه.




هنا لابسة تي عليه باند ما أعرف اسمها، مع تنورة مشجرة بألوان دافية ... شفت عند H&M تي بس ولادي ما أعرف إذا فيه للبنات عليه KISS، كيس أو رولنق ستونز أو بيتلز بيكون حلو مع تنورة عليها نقشات هندية (كثير تلقون منها بآخر فرصة) أهم شي أقروا ش على التي كثير مرات يكون كلام مهين.




نفس التي مع تنورة ثانية بس الشي الغير هنا، إنها دخلته جوا التنورة، أحلى شي لما تدخل تي جوا التنورة هو لما يكون التي مو نص كم يا ربع أو من دون أكمام (بس مو سيء لما يكون نص) و يكون كمان للتنورة كمر.


يااااه كيوت، تي أسود ما عليه شي مع بنطلون رمادي سكني مقنصع، و أهم شي هذي الأبوات الي ما فسختها (ما أحب الأبوات بشكل عام) بس عليها صايره كيوت، خصوصا إنها ما ربطتهم للأخير طالع مره حلو.






هذي ثلاث صور بس بغيت أحطها أوريكم كيف الستايل حقها بشكل عام ... حلو بسيط، وزي ما قلت لكم شوي روك ... عشان تناظرون اللبس بشكل أحسن أنصحكم بتنزيل الفيلم، الفيلم مو سيء يعني ما أعتقد بتندمون.

ليست هناك تعليقات:

إرسال تعليق