Notes on Teen Choice Awards

التين شويس يمكن أول موسم الجوائز، هو يعني مو "جائزة" بس يعني نعتبره تسخين، صراحة ما كان فيه أحد مميز مرة، بس ما بغيت أفوته و لا أكتب عنه ... ما حصلت صور صاحية بس على الأقل يعني نسوي موجز للحفل.

ببدأ من لايتين ... ليتين جت بفستان أوف وايت عجبني ناعم و أنيق، شعرها كان كويس مكياجها بعد ... بس الجزم مو حلوة أبدا، حسيت كأنها جزم عرايس، مأخوذة من هذي المحلات الي تسوي من نفس الجزمة عشر نسخ بألوان مختلفة ..

الشخص الثاني هي كيم كرداشيان ... ما أحب كيم أبدا، و لا لابسها و لا شي .. .بس أظن أنه التين أوارد هي حفلتها، لأنها للمرة الثانية تلبس أحلى لبس قد شفتها عليها طول السنة ... لبسها هذا من زهير مراد لمجموعة الخريف للسنة هذي، هنا من العرض ... و لأننا لسا بموسم زواجات، و فيه بعد العيد جاي و العيد الي بعده يعني بعد زواجات أحس أنه هذا الفستان خيار حلو و يناسب ذوق كثير من الناس.

ثالث وحدة هي إيما روبرتس .. أحبها تعجبني كيوت ... فستانها حليو بس المايك آب مخيف، خصوصا مع الشعر الأسود هذا، أعتقد أنها لسا تحت تأثير Scream 4 لأنه هي جالسة الحين تصور بالفيلم ... الجزم بعد مو حلوة طالعة كأنها كبيرة عليها.