و أخيرا طلع الإديتوريال الي سوته تافي ل Black Book، زي ما قلت لكم قبل ... بشكل عام الستايل حلو ... صحيح يشبه كثير ذوق تافي، بس خلونا ما ننسى أنه عمرها بس 13، و هذا أول إديتوريال لها، يعني مو سهلة إنها تسوي شي مو زي ذوقها ...
اللبس حلو زي ما قلت لكم بشكل عام ... و من الملابس الي أشوفها بالصور، أناظر أنه خزانة ملابس Black Book مو شينة مثل ما قال نيك هارميس (واحد ما أعرف وش وظيفته بالضبط بالمجلة) بس أنه قال أنه لما دخل تافي للخزانة الملابس قال لها ترانا مو زي Vogue ... يعني بالصورة الي أنا حاطتها السويتير من سونيا غيكيل ... التنورة الوردية من ميزوني، و التنورة الرمادية الي تحتها من مارك جايكوب و الشرابات من رودارتي. يعني دولاب فيه هذي الأشياء يا الله من فضلك بس :) ...
قلت لكم اللبس حلو، صحيح يشبه طريقة تافي نفسها باللبس بس أنه حلو، خصوصا إنها ما قد سوت إيدتوريال من قبل لهذا الستايل و بعدين عادته بالمجلة من جديد ...
التصوير ما عجبني أبدا، و حسيت أنه خرب الشغل بشكل كبير، جدا عادي، جدا مبتديء ... بس تحمست أشوف لتافي أكثر، و ما أعرف إذا هي ممكن تعجب وحده من مجلات الأزياء الكبيرة و يخلونها تسوي لهم إيدتوريال ؟؟!!!! نشوف :).
باقي الصور استنوا علي شوي قلت لكم Picasa خربان ... بس يزين بارفعها كلها عليه و تشوفونها كلها، و إن كان عندكم رأي بس اضغطوا على إضافة تعليق و قولوا رايكم :)
شكل Picasa ما فيه أمل يصلح، و بدل ما أحملها على حسابي و تآخذ مساحة شوفوها هنا بموقع المجلة
شفت كل الاديتوريال ما عجبني التصوير ابد يعني المودل حلوه والستايل كيوت بس التصوير كأنه تصوير وحده من بنات فلكر
ردحذفابنتظرها تتكلم عنه اذا بتتكلم