اليوم بنتكلم عن واحد باستفتاء لمجلة people مين تفضلين تطلعين معه هو و إلا عنوان حلفتنا الأخيرة .. الإمريكيات أختارو (أورلاندو بلوم) أو ويل تيرنير ب ذا بايرتز أوف ذا كاريبيان ..
للحق هو ما يتعب على لبسه كثير .. و يمكن بيكون أحسن خيار لأي طالب سعودي .. ألوانه قليلة و لا يختار ألوان فاتحة أو فاقعة زي روبيرت فريند .. بس لبسه يواجه تحس أنه يشبه له كثير و شبابي ..
زي ما قلت لكم ما يتعب على لبسه .. بس تحس إن القطع الي يتنقاها مناسبة .. الجينز الغامق مع الجلد الأسود ماشين .. يصلح تقريبا لكل مناسبة طبعا شتوية و خريفية إلا مناسبة رسمية حفل تخرج أو زواج لو أحد دعاك أو حتى لو بتقابل شخص لك معاه بزنس.
حتى بالريد كاربيت لبسه أميل للكاجول و دايم الألوان نفسها شوف الجاكيت هذا الي أتكلم عنه قطع محترمه، بعدين البلوفر الي تحته مخلي الشكل غير يعني كثير يلبسون جاكيت رسمي مع تي شيرت .. بس البلوفر زي ما قلت و الجزم خلت اللوك (بلومي) :)
هذي هي لمسة بلوم الي قلت لكم عليها .. ألوان ثابته و ملابس عادية .. بس يدخل عليها قطعة تعطي شكل زي الجاكيت الرصاصي هذا .. فخامته أعطت اللوك كذا غلامور خفيف .. و نفس الشي الجينز و التي شيرت خلى الجاكيت شبابي.
لبس رسمي .. طبعا من دون كرافا يمكن يكون الشكل عادي مرة .. بس زي ما قلت بلوم له حسه بالملابس أختار الجزمة الجلد العسلي هذي مع بدلة رسمية رصاصية و قميص أسود خلت في شي مختلف (أنا ما أقول تطيفقوا و ألبسوا أي لون أخاف تطلع النتايج مرعبة، بس إذا كان عندك ثقة أنه أختيارك حلو .. أتوكل و دخل لمساتك على هذا اللوك العادي)
*ترا العقد الي على المرة هو الي كانت لابسته بار بحفل شوبار .. (ما قلت لكم أنه مو صدقي ، إلا شلون لقوا كل هذا الألماس لعقدين P:.
من المرات القليلة الي يلبس فيها أورلاندو لبس رسمي مرة، بس لا تنتظرونه بالحفلات الكبيرة لأنه ما يغير شكله كذا للبافتا و الأوسكار .. الأسود بأسود مع قميص أبيض حلو للسهرات و حلو رسمي .. الشي الغير الي مسويه أورلاندو هو الجاليه مختار جالية يشبه الجاكيت له ياقات ..
أورلاندو .. هو أورلاندو جينز و أسود .. أحب الشغل البسيط هذا .. و عجبني الحزام البيج الي غير شوي من رتم اللونين.
مواضيع ذات صلة:
Brit men .. (1) ديفيد بيكام
Brit Men .. (2) جوناثان ريز ماير
Brit Men .. (3) روبيرت فريند
ليست هناك تعليقات:
إرسال تعليق