Freja With Love

من بعد ما شافت أختي فيلم ذا قيرل ويذ ذا دراقون تاتو لروني مارا، و أختي "متولعة" بالستايل حقل روني بالفيلم أو شخصية روني اللي إسمها ليزبيث سالندر. تقريبا الشيء الوحيد اللي تسويه الحين على الإنترنيت، تفتش على أشياء تشبه للأشياء اللي لبستها ليزبيث، منها مجموعة ذا قيرل ويذ ذا دراقون تاتو اللي طلعتها إتش آند إم بالتعاون مع مصممة الأزياء بالفيلم.

روني ما تلبس بالضبط زي ليزبيث، لكن لما جلست أفكر مين بالواقع ممكن يكون زي ليزبيث و ما جا ببالي، أو أنا ما بغيت يجي ببالي غير فريا بيها. فريا للي ما يعرفها هي عارضة أزياء دنماركية (يعني ممكن تصلح ليزبيث لو سألوني عن رأيي:).

فريا تلبس دايم أسود، حالة نادرة أشوفها بلون غير الأسود، دائما بناطيل، دائما تي شيرتات بألوان محايدة. مع ذلك ما أمل من شكلها (يمكن لأني أشوف إنها حلوة مرة :).

من فترة ما شفت فريا بأي شيء، لا عروض و لا إيدتوريالز و لا حملات دعائية آخر حملة دعائية، آخر شيء مهم شفته لها هو إعلان عطر فالنتينا لفالنتينو (لو كنتوا تابعون mbc 4 كثير يطلع الإعلان عليها). المهم و لأني اشتقت لفريا، ستايلها و شكلها قررت إني أروح أدور بصورها القديمة (مو قديمة قديمة)، لكن صور للستريت ستايل بعد واحد من العروض.

زي ما تشوفون بالصورة كل شيء أسود الجاكيت البايكر الجلد، و التي شيرت بعد أسود، البنطلون أسود، و الشنطة بعد سوداء، يمكن الشيئين الوحيدين اللي مو سوداء هم سماعاتها و التي شيرت الرمادي اللي لابسته تحت الأسود. حتى المناكير اللي حاطتها سوداء.

Rock Girl by dejavuar featuring true religion jeans

3 1 Phillip Lim orange shirt, $195
Rick Owens long leather jacket, £1,675
True religion jeans, €279
Hi top sneaker, £45
Vintage style handbag, $79
Urbanears 'Plattan' Headphones, $60

حاولت أسوي شيء يشبه فريا، بس ما أقدر أتحمل كل شيء أسود علشان كذا دخلت بعض الألوان. أولا أخترت تي شيرت برتقالي (بس باهت) تعجبني أشكال التيشيرتات اللي كذا (طايحة و أكمامها كأنها كت). أخترت بعد جينز باهت، و شنطة ماسنجر من زمان عاجبتني عليها شعار بان آم. أخترت سنيكرز سوداء هاي توب (لأن الهاي توب بكل مكان الحين)، و آخر شيء أخترت بايكر من ريك أوينز (أعرف أنه مو رخيص)، لكن ريك يسوي جاكيتات بايكر مرة حلوة. و لأن كل العالم الحين عندها هيدفون، أخترت هذي السماعات اللي بعد لونها برتقالي (و ما أخترت بيتز، لأني ما أحبها، ما أحب إني أشوفها على كل العالم بزارين شباب بنات) كأنهم ما يعرفون أي شيء ثاني غيرهم. 

شرايكم بالروك ستايل، أو ذا قيرل ويذ ذا دراقون تاتو ستايل؟

Women in Sports

جلست الصباح أدور على صور لسوزان لنقلين (لو كنتوا قد سمعتوا بهذا الأسم، هو اسم واحد من ملاعب التنس اللي يسوى عليها مباريات غولان قاغوس) و هي لاعبة تنس فرنسية قديمة. أعجبني كثير شكلها و هي تلعب تنس. لما شفت صورها بغيت أكتب عنها بأي شكل، علشان كذا قررت أسوي هذا السيت

Sports Pioneers by dejavuar featuring prada handbags

Topshop sleeveless dress, $80
3 1 Phillip Lim leather vest, $1,200
Suede shoes, $64
Prada handbag, $2,950
Melissa Odabash wide brim sun hat, $160

أول ما فكرت بالسيت كان ببالي إني أدمج الفكرة مع وحدة من أهم موضات الربيع و الصيف الجاي، هي الملابس الرياضية، و إنتهيت بسيت فيه مو بس ملابس رياضية، لكن ثلاثه من أهم ملابس الصيف الجاي: ملابس العشرينات، ملابس رياضية و ألوان باستيل أو شقري من سكر/ sugar :) من فترة و أنا ودي أتكلم عن موضة الألوان هذي خصوصا إني شفتها بأكثر من محل هاي ستريت (زارا بالذات)، لكن ما لقيت شيء مثير يخليني أتكلم عنها.

 أي موضة من ملابس الصيف الجاي مبسوطة عليها ودك تلبسينها؟ ممكن تلبسينهم سوا زي فكرة السيت؟

Comic, Comic and Comic

من كنت صغيرة و أنا أحب مجلة ماجد، و ميكي، صح أهلي كانوا مانعيني من ميكي، يقولون موب مفيدة، بس ألقاها بعض المرات عند خوالي :). إلى الآن أحب الكوميك (القصص المصورة)، و لو تتركون عندي مجلات كوميك، يمكن أنسى نفسي من كثر التقليب. وش أسوي أحب الرسمات هذي تفرحني :). 

أمس طلعت مجموعة فليب ليم بري فول 2012، أول ما شفت أول صورة بالعرض، دخل السرور إلى قلبي، لأني حسيت فيه ريحة كوميك بالمجموعة، و لا خاب ظني. 

إن كنتوا مفكرين بكوميك، كوميك، يعني رسوم، لا الملابس ما فيها هذا الشيء، بس فيها زي ما أنتم تشوفون الحروف و الألوان اللي على الشنطة، و الكنزة، و الكارديقان اللي بالعادة تجي مع الكوميك إيقاعات مثل "بووووووم"، "طرررررراخ" "دوووووف"، أشياء زي كذا، و أنا مسختها، بس بخاطري أكتب كلمات بخروف مكرره، فهذي هي فرصتي P:. من الثلاثة أشياء، الكنزة هي المفضلة عندي، و أكيد لو سوت محلات الهاي فاشن أشياء تشبه لها، راح أشتريها. 

اللوك الثاني من اليمين دخلته و هو ما فيه أي شيء كوميك، مو لأنه أعجبني، لكن أعجبتني مرة الشنطة اللي شايلتها العارضة، قبل فترة شفت شنطة بركين إيرميس إصدار محدود كذا شفافة (طبعا شفتها بصور ستريت ستايل)، و عجبتني مرة، لكن أنا شناطي ممكن تكون كل شيء، غرف نوم، صيدلية، تسريحة، و بعد زبالة، لأني ممكن أحط فيها بقايا الأشياء اللي أكلتها، أو استخدمتها، و لا حوالي زبالة :)، فشنطة مو شفافة مرة، بتكون خيار أحسن من بركين إيرميس الشفافة :).