عقلي يقول لي إني قد كتبت عن جيامبا من جامباتيستا فالي، بس بنفس الوقت أتذكر إن مجوعته الأولى (اللي كانت ربيع 2015) ما أعجبتني مرة، علشان كذا ما أحس إني تكلمت عنها. ما يهم إذا ما تكلمت هنا أقولكم إنه جامباتيستا فالي طلع ماركة إسمها جيامبا (هذا ثاني عرض لها)، و أظن فكرته إنها تكون أقل رسمية من ماركته الأساسية جامباتيستا فالي.
المهم خلونا نتكلم عن هذي المجموعة، أولا خليني أقول إن كل قطعة بهذي المجموعة أعتقد إنها مصممة ليلينا بيرمينيوفا (للي ما يعرفه من هذي، هي عارضة روسية، و صديقة فالي بعد). أعرف إن يلينا تميل للأوت كتور من فالي، بس ما يمنع إنها تلبس من خط الملابس الجاهزة. بعيد عن يلينا اللي أتوقع إنها راح تلبس أكثر من قطعة من المجموعة هذي، أعتقد هذي المجموعة بيكون له تواجد على الريدكاربيت أكثر من مجموعته الأولى. الفستان الأول من اليمين، ودي أشوفه على ديان كروقر أو كيرينن شيمبكا. الفستان الأسود أحسه بيكون حلو على جنيفير كونللي، مع إنها صايرة ما تلبس إلا لوي فيتون. الفستان الأومبريه، أحسه بيكون حلو على إل فانينق، و أتمنى أي أحد يلبسه، أو يلبس أي لوك عليه هذا الحزام السرج (كان فيه أكثر من واحد)، إنه ما يشيله، لأنه مدخل حدة شوي، على هذي الملابس الناعمة، و الأخير أتمنى أشوفه على لوبيتا أو بوبي دوليفان.
وش رأيكم بالملابس، و لو كنتوا شايفين المجموعة الأولى (اللي فاتت)، أي وحدة تفضلون؟
ليست هناك تعليقات:
إرسال تعليق