الثلاثاء، 17 فبراير 2015

Super Bowl

قبل كم موسم كانت الملابس الرياضية بكل مكان بالمجموعات، فيه موضات زي الملابس الرياضية مثلا، أحس إذا كثرت باخت و طفش الواحد منها، بس ما يمنع إنه ممكن أحد يسويها و يقدر يخلينا ما نحس إنها موضة طفشنا منها (زي بعض التنانير الشفافة).

بعرض تومي هيلفيقر اليوم (ما أتذكر إني قد تكلمت عنه هنا قبل) الملابس كانت مستوحاة من كرة القدم الأمريكية. بشكل عام مو غريب على تومي الملابس الرياضية، أحس كل تصاميمه دايم تميل للتصاميم الرياضية، لكن هذي المرة مع ثيم كرة القدم أحس النتيجة مرة حلوة. 
عجبني الجاكيت الأحمر، من دون الياقة و طبعة الخوذة اللي يلبسها اللاعب شكله مرة كلاسيكي، بعد عجبني الفستان الأخير (يسار)، مع إني ما أتذكر إني قد شفت تومي هيلفيقر على الريدكاربيت، عندي إحساس إن هذا الفستان راح يلبس، ودي أشوفه على كلوي مورتيز مثلا، أو إيل فانينق. التنورة باللوك اللي قبل الأخير بعد عجبتني مرة، و متحمسة أشوفها على أحد. 

وش رأيكم بالمجموعة؟ و الملابس المستوحاة من الملابس الرياضية بشكل عام؟ 

ليست هناك تعليقات:

إرسال تعليق