الاثنين، 16 فبراير، 2015

The Great Depression

دائما  بأسابيع الموضة، على ما بال تجي العروض المهمة، أرجع و أشوف بعض العروض الأقل شهرة اللي فاتتني. اليوم و أنا أشوف بعض العروض، شفت هذا العرض من إيسا ارفين. هذي مو أول مجموعة لإيسا، لكن أظن هذي أول مرة أتكلم عنه هنا. على عكس عرض ألتزورا هذا العرض مستعدة ألبس كل قطعة فيه الحين من دون ما أحس إن هذي الملابس مخلوقة لناس زي ريانا. 

إذا ممكن أختصر المجموعة بجملة وحدة، العرض بالنسبة لي كان: لو خلطنا تصاميم يوليانا سيرقينكو مع ذا رو، هذي هي النتيجة اللي بتطلع لنا. ملابس فيها لمسة فينتاج مع تصاميم مستقيمة و واضحة، فوق القطع شوي صناعية، و كأنها صوف إلى الآن ما شذب زين، و تحت ترتر. أعرف إني هذي الملابس ما تلبس كثير على الريدكاربيت، بس ما يمنع إني ودي أشوفها. أحس اللبس الثاني من اليسار ممكن يكون حلو على روني مارا، مع إني من زمان ما شفتها على الريد كاربيت. الذهبي أحس من دون الأكمام ممكن يكون صالح للريدكاربيت، على أحد زي أليكسا شونق. عجبتني مرة البدلة، و عجبني مرة حس الفلابير باللبسين اللي بالوسط. 

أنتم وش رأيكم بالملابس، أو بالعروض لحد الآن؟