قبل لا نرجع لأسبوع الموضة بلندن، بغيت أتكلم عن أحسن لبس بالنسبة لي أمس بالأوسكار. أعتقد أمس كان الأوسكار عادي جدا، من ناحية اللبس، بنظري فيه ملابس جت بالأفتر بارتيز كانت أحلى من الحفل الأساسي، لكن مع هذا أعتقد إن داكوتا جونسون بسان لوران كان شكلها مرة حلو، و صدق خلتني أوقف و اتأمل شكلها أكثر من مرة.
بس علشان يكون عندكم خلفية عن داكوتا جونسون، الستايلست لداكوتا هي نفسها ستايلست نتالي بورتمان، ميشيل وليمز و سيينا ميلر. أعتقد إن هذي الأسامي دايم تطلع بشكل أنيق مرة، يعني مو غريب إن داكوتا تطلع أنيقة. أعجبني الفستان المستقيم، أعجبني بعد إن التفصيل الفضي هذا، اللي كأنه حبل موجود على جهة وحدة بس، المكياج كان مرة حلو (الروج الأحمر مع الفستان الأحمر)، أهم شيء إن العيون كانت سموكي بعد. الشعر مرة أنيق، عجبني إنها بس تركت الغرة مع ذيل، بالنهاية النتيجة مرة حلوة. يمكن هذا اللوك ما راح يظل ببال كثيرين من الأوسكار، زي اللوك اللي نسقته كايت يونق لميشيل ويليمز بأوسكار 2006 (تلقونه هنا)، لكن أعتقد بيكون لوك كلاسيكي لداكوتا جونسون.
ليست هناك تعليقات:
إرسال تعليق