السبت، 14 فبراير 2015

Office Chic to Night Out

أمس بأسبوع نيويورك كالعادة كان فيه أكثر من عرض، و أول مرة أقرر إني أكتب عن عرضين بنفس التدوينة، يمكن لأني أشوف إنهم مرة متناقضات، العرضين هم لجايسون وو و مونيك لوليه، طبعا كل المصممين مو جديدين لا على التصميم و أكيد مو على الريدكاربيت (كثير نشوف من تصاميمهم على الريدكاربيت). 
جايسون وو من فترة و هو مايل لخط أكثر "نظافة" بالخطوط خصوصا و أنه صار مصمم هيوقو بوس بعد، و الماركة (هيوقو بوس) خطوطها مرة أنيقة. الملابس بالنسبة لي "أغلبها" ملابس مكتب و صباح. حبيت الألوان، و أقمشة الصوف، بالفساتين (الأول و الثاني من اليمين)، البنطالون مع التوب الترتر ودي أشوفه على ديان كروقر، و الفستان الأبيض ودي أشوفه على أحد زي ميشيل مونقان (بس ودي الجزمة تكون شيء برتقالي، أو ملونة أي لون).

على عكس جايسون وو، بكل شيء تقريبا، بالألوان، و بخطوط التصاميم كان عرض مونيك لوليه، اللبسين اللي بالوسط حسيتهم شوي يشبهون ملابس سان لوران مع هادي سليمان. الفستان الأول من اليمين أحسه بيكون حلو على لوبيتا نيونقو أو جيسيكا ألبا أو جيسيكا شستاين. الفستان الثاني من اليسار أحسه بيكون حلو على بيونسيه أو فلورانس ويلش (مع إني ما أظن إنها راح تلبس لمونيك)، حبيت إن تحت القماش الشفاف قماش منقط، و أنه طالع من تحت شوي. الفستان الأحمر اللي بالأخير ودي أشوفه على لافرين كوكس ، أو قوقو ماباثا رو، أما الفستان/البالطو التوكسيدو، ودي أشوفه على نيكول كيدمان أو ريانا. 

ليست هناك تعليقات:

إرسال تعليق