الجمعة، 4 أبريل، 2014

A Month with Jennifer Connelly

أتذكر أول مرة عرفت و حبيت جنيفير كونللي من يوم شفتها ببيوتيفول مايند، كل شيء فيها حلو، عيونها لون شعرها، حتى حواجبها اللي كانت ثقيلة قبل كارا، و قبل لا يطيح كل العالم بالحواجب العريضة (مو طبعا قبل أودري هابيرون)، بس أتكلم عن الناس العايشة. 
المهم ما علينا، الشهر اللي فات جنيفير كانت تروج لفيلمها الجديد نوح، علشان كذا طلعت كثير على الريد كاربيت، و زي ما قلت لكم بموضع أحسن لبس لشهر مارس، قررت إني أكتب عنها موضوع منفصل. 

طبعا غير شكلها، و جمالها، الشيء اللي أحبه بستايلها إنها مو مملة، و قدرت بشهر كل مرة تطلع، تطلع بشكل مختلف، و بالنسبة لي بالحملة الترويجية لفيلم نوح، غطت على أيما واتسون اللي تشارك معاها بنفس الفيلم، مع إنه إذا تكلمنا بنفس طريقة التفكير اللي تعتقد إن الوحدة إذا كبرت صارت أقل جاذبية. بالنسبة لي جنيفير و عمرها 43 كانت أميز و أجمل من إيما و هي عمرها  23. 
ما أعرف وش اللوك المفضل عندي، حبيت طول الجامباتيستا فالي، و مكياجها و جزمها معاه. بعد حبيت البدلة الإيف سان لوغان، شكلها فيه مرة أنيق، فستانها الماكوين ما أعتقد أحد يقدر يلبسه زيها، و لا يحتاج أذكركم إنه وحده عمرها 40 تلبس الجلد بالكولنيس هذا بلوي فيتون. 

أنتم وشو اللبس المفضل عندكم؟