ما فيه شيء معين (قصدي موضة معينة) باتكلم عنه، لكن فيه شيء من فترة طويلة و هو عاجبني، الشيء اللي عاجبني، و أعرف أنه ما يعجب كثير، و أنا كنت منهم (أعترف إني كنت ما أحبها) هي الخروم على صيوان الإذن. بعد أعترف إني كنت أشوف إنها تخرب الشكل. (كلنا نتغير مو عيب، صح؟!!)
زي ما قلت لكم، لأنها من فترة عاجبتني، كنت أدور على صور أدور على "إنسبريشين" وش الشيء اللي بالضبط أبغاه، و يعجبني. من فترة و أنا عاجبني الإيركوف (يمكن تكلمت عنها قبل) لكن ما فكرت إني أخرم خرم جديد أظن إلا بعد ما شفت الصورة الثانية تحت، لإيدتوريال ما أعرف وين، ما أعرف ليه عجبني شكل الموديل مرة، لدرجة فكرت جديا إني أسوي خرم جديد أخيرا.
أتذكر أول كنت أفكر فيها إنها ما تطلع حلوة مع ملابس السهرة، بس لما دورت بالصور، و شفت دايان كروقر بكان السنة اللي فاتت (أول اللي قبلها نسيت) بس إنه شكلها إلى الآن ذوق، حتى مع تسريحة و حلق فخم.
أنتم وش رأيكم بالخرم اللي على صيوان الإذن؟ عندكم؟ أو تفكرون فيه؟ أو ما يعجبكم؟ أو حتى لو الصور هذي غيرت رأيكم؟
صيوان الاذن عاجبني من زمان والحمد الله مسويتة من زمان بعد هههههه
ردحذفاحسة يعطي فخامة ومنظر جدا جميل .
انا عن نفسي الحلق الي فية حتى ما اعيرة شريت الماسات صغيرة وبخليها ثابتة على طول
كويس، أنا إلى الآن تاركة الحلق اللي يستخدمونه مع الخرم (أنا اللي مختارة شكل الحلق)، أول كنت ناوية أشتري شيء يشبه اللي على دايان كروقر، بس أظني بطلت، ممكن أشتريه من بابا التغيير بعدين، بس عاجبني شكله الحين.
حذف