الاثنين، 23 سبتمبر، 2013

Palm Trees Extravaganza

بالنسبة لي إلى الآن عرض برادا هو الهايلايت لأسبوع ميلانو (زي ما كان عرض مارك جايكوب لنيويورك بالنسبة لي) مع أنه باقي أسامي ما عرضت (أعتقد ما بقى معروف إلا أرماني). المهم نرجع لعروض أمس مرة ثانية، أمس كان فيه عرض دولتشي آن قابانا (ما أعجبني) و ميسوني و مارني (أعجبوني) لكن العرض اللي بالنسبة لي كان الأحسن أمس هو عرض  فاوستو بوقليزي. 


أتذكر أول عرض شفته لبوقليزي (مو من زمان) حسيت كأني شايفة أرشيف فيرساتشي بعد أكثر من مجموعة حسيت إن عنده شيء مختلف، ما أتذكر متى، لكن أتذكر إن فيه مجموعة (أظن بري فول 2013) أعجبتني مرة، هي نفسها المجموعة اللي لبست منها رينكو كيكوتشي (أخترتها لأحسن لبس لشهر يوليو 2013). مجموعة أمس كانت كلها (تقريبا) نخل. نخل مطبوع، نخل مشكوك، حتى فيه شك نخل على أكمام الجاكيت الجلد البايكر اللي لابسته العارضة بالوسط. ما أعرف ليه متحمسة أعرف سعره كم بيكون، بعد ما قريت عن سعر بوت سان لوران اللي كان بعروض خريف 2013 (البوت ب 8000 دولار؟!!) لو طلع سعر الجاكيت أرخص منه، لو شفت البوت بأكب عليه كلوريكس و أخربه، لا تسألوني ليه، بس باوضح لكم إني منقهرة من سعره.

* موضوع ثاني (تعرفون هذي الأشياء تونسني) أمس بعد كان فيه الإيميز، و البنت اللي بماد مين ( ما أعرف اسمها أظن كيرنان شيبكا) لابسة فستان ديلبوزو اللي أخترته من ملابس الريدكاربيت لعروض نيويورك. أعرف أحد بيقولي طيب بشري أمك، أمي مو مهتمة، بس أنا أنبسط فعطوني وجه على بسطتي لو سمحتوا P:.  
المهم هذا واحد راح من الثمانية، باقي سبعة خلونا نشوف إذا فيه أحد ممكن يلبسهم و مين؟!!