الاثنين، 29 يوليو، 2013

Best Dressed: July '13

ما أعرف ليه أحس شهر يوليو مر ببطء، على الأقل بالنسبة لي، يعني فيه ملابس انتبهت لها بداية الشهر، يوم رجعت أناظرها من جديد حسيت إنها أقدم من شهر يوليو. بداية الشهر كان فيه عروض الأوت كتور، غير كذا ما أتذكر فيه أحداث مهمة، غير بريمرات متفرقة. بشكل عام أقدر أقول الملابس الحلوة كانت قليلة، بس بالنسبة لي كانت تستاهل. 



بالنسبة لي أعتقد إن هذي القائمة أكثر القوائم اللي سويتها تنوع. الشيء اللي مستغربته (على نفسي) على إني أحب تيلدا، أظن إن هذي أول مرة تكون بقائمة أحسن لبس للشهر. 
أعتقد أول لبس تأكدت إني ما راح أشيله من القائمة المقترحة لأحسن لبس، هو كايت بلانشيت بالفستان الوردي من بلانسياقا. مع إنه لذوقي الخاص بأفضل ألبسه من دون القطعة اللي فوق زي هنا، لكنا قدرت تطلع فيه بشكل حلو. لي لي  سوبايسكي ترجع بديور مرة ثانية لقائمة أحسن لبس، هذي المرة بجمب سوت. أعجبني فستان كريستوفر كاين على كايت بوسورث (فوق يسار) صراحة لما شفت مجموعة كاين للخريف، كانت شاكة أنه فيه أحد ممكن يلبس بذات الفساتين بشكل حلو، لكن كايت بالنسبة لي قدرت، خصوصا مع مكياجها و تسريحتها. 
حبيت مرة شكل هيلين ميرين (يسار تحت) حسيته مناسب لعمرها، بنفس الوقت مو لبس جدات. آخر شيء بأعلق عليه هو نتاليا بشانيل، أظن أنه هذا اللبس أكثر لبس تقليدي، لكن بالنسبة لي، شكل الجاكيت و شكل التنورة (من تحت) شوي أعطت للبس شكل مختلف، خصوصا مع وجه نتاليا اللي مرة "فريش". 

Create your free online surveys with SurveyMonkey , the world's leading questionnaire tool.