أمس كان فيه أكثر من عرض بالعادة تعجبني، مثل ذا رو و باند أوف أوتسايدرز و تايسكينز ثيروي. ما أقول إنها ما أعجبتني، لا أعجبتني قطع كثير عندهم، لكن العرض اللي أعتقد أعجبني بالمجمل هو ريم عكرا. أعرف أنه بالعادة ملابس ريم ما تعجبني، بالنسبة لي ممكن تطلع حلوة على الريدكاربيت، بس مو مميزة لا بالرانواي و لا على الريدكاربيت، يعني قليل أتذكرها.
أول ما شفت المجموعة حسيت فيها تأثير سبعينات/ بداية الثمانينات، يمكن أكثر لوك عجبني هو الفستان اللي بالنص، بصراحة ما توقعت شيء زي كذا من ريم عكرا (شيء فيه طبعات مختلفة). طبعا أكيد بيعجبني فستان عليه دوائر زي الفستان اللي يسار تحت. حبيت بعد فكرة قطعة شيفون فوق اللبس (يسار فوق)، شفتها عند أكثر من مصمم بس ما كان تحتها فستان زي اللي عند عكرا.
لما قلبت المجموعة مرة ثانية، علشان أختار منها لبس علشان أكتب عنها، ما أعرف ليه بالذات الفستانين الإثنين اللي على اليمين حسسوني كأنه ميشيل فيفر بفيلم سكارفايس (أظن الأفلام كانت وحدة من أكثر الأشياء اللي استوحوا المصممين مجموعاتهم هذي السنة منها).
ليست هناك تعليقات:
إرسال تعليق