الاثنين، 9 سبتمبر، 2013

The Multiple

لليوم الثالث ما أدري الرابع لأسبوع الموضة كان فيه مجموعة مصممين (كالعادة) من أكثر المجموعات اللي حبيته لهذا اليوم، هي مجموعة تاكون. ما أتذكر إني قد أعجبت بتاكون مرة، أتذكر إني حبيت عرض كان ملون شعر العارضات فيه، حبيت الشعر مو المجموعة نفسه. 
مجموعة خريف 2013 كانت حلوة، و أعتقد إنه لحد الآن من أنجح مجموعاته على الريدكاربيت (لبست منه دايان كروقر و اخترته من أحسن لبس لشهر مارس) . 


بهذي المجموعة (أعرف إني اختياراتي كأنه المجموعة ما فيها شيء مترابط) لكنها مترابطة صدقوني. المهم المجموعة أعتقد كان فيه اهتمام بالتفاصيل الناعمة مرة بشكل كبير (مثل طرف التنورة باللبس الثاني من اليسار، أو الشغل اللي على التوب الثاني من اليمين) . بعد حبيت فكرة الشنطة/المجوهرات (مرة عقد، و مرة سوارة و مرة ما أعرف وش أسمه الشيء اللي يعلق بالبنطلون). من أول الأشياء اللي أعجبتني و أنا أقلب المجموعة الجمب سوت، حبيت الدانتيل اللي مغطي الفتحة العميقة (تعرفوني أحب الدانتيل و قلت لكم بكلامي عن شهر سبتمبر) الشيء اللي بعد لاحظته بهذي المجموعة فيها أكثر من شيء مستخدم فيه سيور أسبيقاتي (السير النحيف مرة) الشيء اللي بعد لاحظته من العروض اللي فاتت، أنه تاكون مو هو الوحيد اللي عنده أكثر من قطعة بسير أسبيقاتي.
آخر شيء باعلق عليه، هو و أنا أقلب المجموعة ما أعرف كل لوك أحسه جاهز لزوي سالدانا، أتمنى تلبس منه بالذات الفستان الأحمر الفوشي أو التنورة مع البراليت أو ما أعرف وش يسمى هذا الشيء.