الأحد، 5 مايو 2013

What's in my Bag

أولا لازم أقول لكم إن هذي التدوينة مو وحدة من التدوينات أو الفيديوات اللي صاحبها يورينا الأشياء اللي جوا شنطته. يعني لو مو مهتمين بشيء غير أيش فعلا بشنطتي ما يحتاج تكملون P:
بغيت أكتب لكم اليوم عن شيء مو أنيق مرة، و يمكن شكله ما يعجب كثير، لكن أعتقد أنه مفيد، خصوصا لما تكون شخص زيي لو اضطر و شال شنطة، تتحول الشنطة لغرفة معيشة متنقلة، كل شيء فيها، و كل شيء بعد يضيع جواها. 


قبل فترة طلبت هذا الشيء من eBay لأن عندي شنطة كبيرة (غصب علي أشيل شنطة كبيرة) لأن الأشياء اللي أشيلها كثيرة، و كلها أحتاجها. 
المهم لما وصلت (طبعا قبل يحتاج أعلمكم أنه سعرها مرة رخيص) تقريبا بخمسة دولارات. المهم نرجع للشيء هذا اللي المفترض أنه ينظم أشياءك بحيث أنك تحطينها بوسط شنطتك. لما وصلت كانت شوي صغيرة على شنطتي اللي مرة كبيرة. قياس عرض هذي الشنطة أقل من 30 سم بشوي، و شنطتي 40 سم. أعرف بالكلام كأنه الفرق مو مرة كبيرة، بس أنا كان ودي بشيء على قد المقاس بالضبط. 
ما علينا، على أنه زي ما قلت لكم كانت أصغر شوي، إلا إني مبسوطة عليها مرة، على الأقل خلتني آصل لبعض الأشياء بسهولة أكبر (زي المفاتيح، و المحفظة).




بالفيديو اللي فوق بتشوفون تقسيمات الشنطة، و قد إيش تشيل. إذا أنتم مو مهتمين بالفيديو كامل، الشرح الشنطة يبدأ تقريبا من الدقيقة 5. و هنا تلقون الرابط لها على إي بي.


ليست هناك تعليقات:

إرسال تعليق