الخميس، 7 مارس 2013

Sweet Dreams

أظن إننا خلصنا من أسابيع الموضة الأربعة المهمة، اليوم (أو أمس) كان فيه بباريس عرض إيلي صعب ميوميو و لوي فيتون. بلا منازع مجموعة لوي فيتون لربيع 2013 هي المجموعة اللي "فازت" بحب محررين مجلات الأزياء و السلبرتي (تقريبا كل مجلة طلعت غلاف عليها واحد من الفساتين، و ثلاثة أرباع المجموعة لبسوها سلبرتي بمناسبات مختلفة). 



عرض لوي فيتون لخريف 2013 أقدر أقول أنه ما راح يكون زي مجموعة ربيع 2013، لكن لو مارك يحبني، يكفيه أنه سوا بهذي المجموعة كل شيء أحبه: ملابس داخلية (لبرا)، فلورال، و قطع رجالية. 
مع إني ما أحب كثير أتكلم عن شيء غير الشيء اللي ينشاف، لكن هذي المرة ما أعرف ليه، حسيت إن المجموعة فيها درجة كآبة غير طبيعة، حسيت الملابس كأنه وحدة عايشة ببيت كبير مظلم لحالها و حاطة مكياج و لابسة جاكيت فخم فوق ملابس النوم، تظن إن عندها حفلة. ما أعرف الشعور شيء يخوف و يكسر الخاطر (لا تعطوني وجه، جالسة أرسم برآسي فيلم كامل). 

باختصار بعد نهاية العروض، أقدر أقول أنه المجموعات هذي المرة عجبتني كثير، يمكن أكثر مجموعات ما أعجبتني: دلوتشي آن قابانا (حسيت إنها تشبه عرض الأوت كتور الأخير لهم، يعني شيء مكرر) سان لوران (ما أعرف ليه بس ما يشبه سان لوران أبدا، و اللي زعلني زيادة، أنه النقاد ما تكلموا عنه، أكثرهم ساكتين، يعني إذا ما عجبكم تكلموا خايفين من إيش أنه ما يعزمكم مثلا؟) آخر شيء شانيل (لسبب ما أكثر عروض شانيل صايرة مو مثيرة أبدا، خصوصا الملابس الجاهزة). 

وش رأيكم بالعروض بشكل عام؟ وش أكثر شيء حبيتوه، وش أكثر شيء كرهتوه؟

أفكر أكتب عن أهم موضات الخريف الجاي، إذا مهتمين قولوا لي، علشان أتحمس :). 

ليست هناك تعليقات:

إرسال تعليق