الثلاثاء، 5 مارس، 2013

After The Party

بصراحة المجموعة الأولى لهادي سليمان لسان لوران ما عجبتني، عجبتمني قطع منها، بس هي بشكل عام، إذا كان فيها شيء مثير فهو شيء أنا ما أفهمة. 
أمس نزل هايدي مجموعة خريف 2013، بصراحة لقيت المجموعة خفيفة و ظريفة، وفيها لعب كثير (أغلبها كأنها ملابس بنت عمرها 13). 



إلى الآن ما أعرف وش الاتجاه اللي بيرسمه هادي للدار (ما أعرف له أي شيء قبل، بس كان يصمم ملابس رجالية). المجموعة اللي فاتت (صيف 2013) كانت بوهيمية /كالفورنية و فيه لمسة رجالية على بعض القطع. هذي المرة زي ما قلت لكم قبل كأنها ملابس مراهقة. 
أكثر من الملابس بهذا العرض، حبيت طريقة تنسيق الملابس، هادي أخذ وحدة من موضات الموسم (الليرينق) و نسق الملابس بشكل مرة ظريف، ما أدري ليه حسيت كأن العارضات كانوا بحفلة بمكان مكشوف، و على نهاية الحفلة الجو بدا يبرد، و كل وحدة لبست أي قميص، كارديقان، جاكيت قدامها فوق الفستان علشان تتدفأ. 
زي ما قلت لكم، لبس قطع على بعض وحدة من موضات الموسم (ليرينق)، يعني مو بس كانت موجودة بعرض سان لوغان، لكن بالنسبة لي الطريقة اللي منسق فيها الملابس هنا فيها إذا أقدر أقول "عفوية"، يعني مو زي بعض العروض لليرينق كان  فيه مرة مبالغ فيه (زي عادة الرناوي) و لا يمكن يلبس زيها أي شخص بالعالم. 

وش رايكم بموضة لبس الأشياء فوق بعض؟ (أنا شخصيا أحبها، بأكثر من مكان قلت عن هذا الموضوع).