الاثنين، 4 مارس 2013

Sheer, Sweater and Cartoon

آخر مجموعة حبيتها لجيفانشي كانت مجموعة أوت كتور ربيع 2012، صراحة ما كرهت شغله اللي بعد كذا، بس بديت أقنع نفسي إن ريكاردو تاستشي أخذ طريق ثاني مو نفس الأسلوب اللي أحبه، لكن شكل ريكاردو هذي المرة قرر أنه يقهرني، يذكرني وش الفرق بين الهاي فاشن و الهاي ستريت. 


باختصار المجموعة فيها كل شيء أحبه: شيفون، كنزات، طبعات كرتون، و التطريز هذا اللي ما أعرف وش أسمه (اللي على نهاية التنورة). ريكاردو ما اكتفى أنه يحطها كلها في عرضه، لا قرر أنه يآخذ هذي الأشياء لمرحلة جديدة و يخلطهم مع بعض. 
أعرف أنه مو أول مرة يسوي سويتر شفاف، سواها قبل بمجموعة خريف 2011، لكن هذي المرة دخل عليها تحسينات و أضاف شك عليها، و بسويتر ثاني خلى الأكمام ترتر (ما عندي مانع يصير كل لبسي كنزات زي هذي). التنورة دخلتي مرحلة اكتئاب (شلون ممكن أحد يسوي شيء حلو زي كذا؟) كنت أعتقد إني خلاص أوفر التنانير الشفافة، من كثر ما سووهاو من كثر ما شفتها الحين تقريبا على كل شخص أعرفه، لكن بعد هذي أظن إنها بتكون هوسي الجديد.

بعد كل هذي العروض (ما بقى إلا كم يوم على أسبوع باريس و ينتهي) وشو عرضكم المفضل بكل مجموعات خريف 2013؟

ليست هناك تعليقات:

إرسال تعليق