ما عمري صنفت نفسي مهوسة جزم (صح الواحد ما يحس بنفسه)، لكن أعتقد إن استهلاكي للجزم سنويا معقول. إلى الآن ما عندي جزمة غالية (و لا كنت أفكر) لحد ما شفت هذي الصورة لماري كايت أولسين بهذي الجزم.
أول ما شفت الصورة، ما أهتميت بأي شيء ثاني، أصلا عجزت أشوف شيء ثاني غير جزم الإكسفورد اللي لابستها. غير ألوانها (قلت لكم أكثر من مرة إني أحب الطبعات) إنها مقطوعة كذا من ورا عجبتني مرة. ما أتذكر إني قد شفت شيء و تحمست إلا بأعرف من وين. الحين أقول ليتني ما تحمست، لأني ما أتذكر إن بنات أولسين أبدا (على الأقل التوأم)، قد لبسوا شي رخيص. لما دورت لقيت إنها من حيد أكيرمان مجموعة ربيع 2012 (إللي لسا بالأسواق).
مجموعة أكيرمان لربيع 2012 كانت عاجبتني مرة، لكن ما أعرف كيف فات علي شيء جميل زي كذا. ما أعرف ليه عجزت أوقف أناظر فيها، أتمنى الحين أفتح دولاب الجزم و ألقاها عندي (حتى من كثر ما أنا حابتها و متحمسة ما فكرت أي نقشة ودي فيها). لما دورت عليها أونلاين لقيتها هنا(نفس اللي على ماري كايت) بحوالي 2800 ريال. و لقيت ثانية عند ساكس بس مو كأنها "شبشب" بس أغلى بتقريبا 3430 (شفتوا إن طيبة و ذوقي رخيص :)) ما أبغى اللي عند ساكس يكفيني الشبشب :).
قبل كم موسم ما اعرف اي واحد بالضبط كان بول سميث مسوي نفس كذا أوكسفورد بس انها مفتوحة من وراء اللون الي كان عاجبني اخضر نيون
ردحذفقبل كم موسم ما اعرف اي واحد بالضبط كان بول سميث مسوي نفس كذا أوكسفورد بس انها مفتوحة من وراء اللون الي كان عاجبني اخضر نيون
ردحذفقبل سنتين كتبتي لي رد على هذا الموضوع و قلتي لي إنك حابتها http://eyeonlamode.blogspot.com/2010/09/london-wish-list_22.html
حذفأنا بعد كنت حابتها، لكن حبيت أكيرمان أكثر يمكن علشان قماشها، حسيت فيه فيه شيء شرقي ما أعرف وشو، بس النقشات، الألوان و لمعة القماش. ما أعرف حسيت كأتها خف من بازار بعمان أو بأفغانستان أو بأي بلد شرقي، بس من قدام تشوفين الحبال و الجزمة الإكسفورد.